Modelja e njohur, Chrissy Teigen u shfaq sot në Twitter me buzë të enjtura, kjo për shkak të sëmundjes së lartësisë. Kjo sëmundje shkaktohet te disa njerëz kur shkojnë në vende të larta ku niveli i oksigjenit është i ulët. Modelja ishte e pranishme në dasmën e miqve të saj, në Utah dhe duket se gjërat nuk kanë shkuar edhe aq mirë për të.

"Jam shumë e mërzitur që vendlindja ime, Utah, ka zgjedhur të më helmojë në këtë mënyrë", -është shprehur ajo, teksa ka shtuar: "E dinit që agnioedema mund të shkaktohet nga sëmundja e lartësisë. Mësoj çdo ditë nga një gjë të re! Buzët e mia janë gati të shpërthejnë. Mirupafshim botë."

Më pas, Chrissy ka publikuar një video ku shihet teksa thith oksigjen për të përmirësuar gjendjen e saj. Ajo nuk ka qenë e vetme në dasmë, por ka qenë e shoqëruar nga bashkëshorti dhe disa miq të saj, të cilët i kanë ardhur në ndihmë.