Kush më mirë sesa Kate Middleton për të na treguar se cilat janë ngjyrat që do të dominojnë këtë vjeshtë? Dukesha e Cambridge gjatë një dalje publike këtë të mërkurë zgjodhi të kombinojë dy ngjyra vjeshte: atë të ullirit dhe lejlanë e errët. Nëse i mendoni si dy ngjyra të ndara, nuk ju shkon në mendje t’i bëni bashkë. Mirëpo, Kate ka guxuar dhe duket mjaft bukur.

Aksesori i nevojshëm që Kate ka vendosur është çanta Chanel, edhe kjo ngjyrë lejla e errët e kombinuar me bluzën. Edhe pse Chanel kushton shumë, Kate di si t’i balancojë gjërat, pasi bluza dhe pantallona, nuk kanë kushtuar më shumë se 150 dollarë. Kate di se si të jetë trendy edhe kur nuk shpenzon shumë. Chanel sigurisht që ka çmim të lartë, por kjo nuk është hera e parë që dukesha e përdor ne daljet e saj publike. Edhe në janar të 2018-ës, Dukesha zgjodhi të njëjtën çantë, kombinuar ndryshe sigurisht.