Nëse Bill Gates do të ishte President i Shteteve të Bashkuara tani, do t’i jepte përparësi izolimit të njerëzve në të gjithë Amerikën “për të rrafshuar” kurbën e pandemisë COVID-19.
"Mesazhi është i qartë: ne nuk kemi zgjidhje veç ta ruajmë këtë izolim dhe kjo do të zgjasë për një periudhë kohe",- i tha Bill Gates kuratorit të TED, Chris Anderson, të martën. “Në rastin kinez, ishte rreth gjashtë javë, kështu që ne duhet të përgatitemi për këtë dhe ta bëjmë atë shumë mirë."
Sipas Gates, "nëse ju jeni duke bërë izolim (kombëtar), brenda afro 20-ditësh do të shihni që ato numra (të rasteve të reja) ndryshojnë me të vërtetë", d.m.th., zbresin"... dhe kjo është një shenjë që ju ' jeni në rrugën tuaj.”
Komentet e Gates vijnë pasi Presidenti Donald Trump njoftoi se do që bizneset në Amerikë të rihapen deri në Pashkë, 12 prill. Ekspertët mjekësorë, në anën tjetër, thonë që është shumë shpejt.
Gates thekson gjithashtu se është e rëndësishme t’u jepet përparësi taksave për njerëzit.
"Është vërtet tragjike që efektet ekonomike të kësaj janë shumë dramatike. Asgjë e tillë nuk ka ndodhur kurrë me ekonominë gjatë jetës sonë”,- tha Gates. "Por ju e dini, të riktheni ekonominë dhe të bëni para, është më shumë një gjë e kthyeshme sesa të rikthejë njerëzit në jetë. Dhe kështu ne do të marrim dhimbjen në dimensionin ekonomik - dhimbje të mëdha - në mënyrë që të minimizojmë dhimbjen e sëmundjes dhe dimensionin e vdekjes."
