Ndërkohë që temperaturat janë duke u rritur gjithnjë e më shumë, na duhet të gjejmë mënyra të ndryshme për t’u freskuar. Si thoni për një tortë të ftohtë? E kush do t’i thoshte jo?! Recetën e sjell Mirela Andoni në faqen e saj Papare, The Beauty Of Small Things. Mjafton të shikoni sa bukur ka dalë rezultati i tortës dhe e dimë që s’do mendoheni gjatë para se t’i përvisheni punës. Për më tepër që mënyra e përgatitjes është e thjeshtë.

Përbërësit që ju duhen:

6 pako të vogla biskota pavesini

400 ml pana për ëmbëlsira

170 gr qumësht i kondesuar

300 gr qershi të ngrira

1 vanilje

Mënyra e përgatitjes:

Rrahim kremin e qumështit (panën) me vaniljen dhe qumështin e kondesuar, shtojmë qershitë e ngrira. Vendosim një plastmas kuzhine te tava dhe sipër rreshtojmë biskotat në të gjithë sipërfaqen e tavës. Hedhim kremin, vendosim edhe një rresht tjetër me biskota dhe përsëri krem. E përfundojmë tortën me biskota dhe e mbulojmë me plastmas. E vendosim në ngrirje për disa orë ose te fresku nëse nuk e doni tortë akullore. E heqim nga tava dhe e zbukurojmë me pak krem dhe fruta.

Voila!

 
 
 
 
 
View this post on Instagram
 
 
 
 
 
 
 
 
 
 
 

A post shared by Papare 🍴 Mirela Andoni (@papare_thebeautyofsmallthings) on