Motra adoleshente e Zayn Malik raportohet se është kërcënuar me vdekjen e vajzës së saj të vogël.
Motra 17-vjeçare e ish-yllit të “One Direction, Zayn, Safaa ka marrë mesazhe që e kërcënojnë për vajzën e saj Zaneyah, e cila lindi në janar.
Foshnja gjashtë muajshe tashmë ka një llogari në Instagram me afro 32,000 ndjekës, por tashmë është shënjestër e të ‘ligëve’ që kanë kërcënuar se do t’i marrin jetën.
Niveli i abuzimit u nda nga një mik i Safaa-s, i cili postoi një snap të Zanajahut në mediat sociale.
Ajo komentoi në llogarinë e saj në Instagram: "Ç’botë e neveritshme !!"
Në një mesazh, kërcënuesit menduan se po flisnin me Safaa dhe shkruajtën: "Foshnja juaj është e shëmtuar."
Pastaj shtuan: "U martove për të mbuluar faktin që ishe shtatzënë".
Kërcënuesit më pas shkruajtën: "Do të dëgjoni kur fëmija të vdesë. Shpresoj që fëmija të vdesë, është e shëmtuar sidoqoftë.”
Safaa u martua me dashurinë e saj Martin Tiser, 18 vjeç, në shtator, në një ceremoni tradicionale myslimane të Nikkah.
Në lidhje me familjen e saj, ajo shkruajti: "Të jesh një nënë e re do të thotë që jemi takuar pak herët, por gjithashtu do të thotë që do të të dua më gjatë. Disa njerëz thanë që jeta ime mbaroi kur linda fëmijë, por jeta ime sapo kishte filluar. Ripostojeni nëse jeni një nënë krenare."
Këngëtari Zayn, 26 vjeç, gjithashtu është në pritje të fëmijës së tij të parë me Gigi Hadid.
