Sfidës më të re të Instagramit duhet t’i bashkoheni patjetër, VIP-at e kanë nisur
E Martë 28 Korrik 2020
“Womansupportingwoman” është sfida e fundit në Instagram që ka “peshkuar” personazhet e njohur, të cilët sapo e kanë nisur, po e vijojnë lojën me miq të tjerë. Qëllimi, siç mund të kuptohet lehtësisht edhe nga titulli, është në mbështetje të gruas dhe sfidave që i dalin asaj para në këto kohë aspak të lehta për të dy gjininë, por sidomos për gruan.
Sfida më e re në Instagram prezanton foto bardhë e zi, në mbështetje të të gjitha grave, pavarësisht ngjyrës së lëkurës, në të gjithë globin.
Me hashtagun #womansupportingwoman, këto fotografi, të marra nga kënde të jashtëzakonshme, shoqërohen edhe nga tituj dashamirës në mbështetje të grave.
Premisa "challenge accepted” është që këto foto të promovojnë fuqizimin e grave dhe miqtë e nominuar të sfidës ta zgjerojnë më tej sfidën, në mënyrë që gratë të mbështesin njëra-tjetrën.
Nga Jennifer Aniston, Sharon Stone, Marcia Cross, Jennifer Aniston, Kate Hudson e deri tek Jennifer Gates, të gjitha postuan foto bardhë e zi, shoqëruar me mesazhe sensibilizuese e dashamirëse.