Postimi plot dashuri i Ilva Tares që na prezanton si asnjëherë më parë dy fëmijët e saj

Ajo është një nga protagonistet e televizionit në Shqipëri, mirëpo jetën private preferon ta mbajë larg televizonit dhe mediave në përgjithësi, edhe atyre sociale. Ilva Taren e njohim si profesioniste, por shumë pak dimë për të si mama. Kemi mësuar diçka tek-tuk nga intervistat e saj, por duket se nuk i pëlqen ta ekspozojë shumë familjen.

Mirëpo, në raste të veçanta Ilva na dhuron disa portrete të ëmbla familjare. Hera e fundit ishte për ditëlindjen e vajzës së saj, Melody, kur postoi në rrjetet sociale një foto me të voglën, bashkëshortin, Eduart Selami dhe me djalin Thomas.

Ndërsa sot është ditëlindja e Thomas dhe sigurisht që nuk mund të mos e ndante me ndjekësit. Kësaj radhe jo një foto formale, por disa shkrepje dhe video aq spontane sa të shkrijnë zemrën.

Në videon e parë shfaqet Thomas, në foton e dytë shfaqet me të motrën Melody, në të tretën në krahët e të atit dhe në foton e fundit me mami Ilvën. Në asnjë prej këtyre postimeve nuk mungon buzëqeshja karakteristike e vogëlushit.

“Thomas bën 3 vjeç. Zoti ekziston!” –janë fjalët me të cilat Ilva ka shoqëruar postimin.

Urojmë që të shohim sa më shumë postime të tilla të mbushura me dashuri në Instagramin e Ilvës.