Omëletë për mëngjes? Po, por bëjeni ndryshe kësaj radhe me recetën e Erida Kabashit

Po mendoni çfarë të hani për mëngjes? Si thoni për një omëletë të shpejtë? Mbase ju ka ardhur në majë të hundës pasi është zgjidhja e parë që na shkon në mendje të gjithëve, prandaj provoni ta bëni ndryshe. Erida Kabashi sugjeron omëletë me lulet e kungullit dhe kungulleshka të vogla.

Përbërësit që ju duhen:

2 vezë

1 kungulleshkë e vogël

3-4 lule kungulli

Kripë

Piper

Mënyra e përgatitjes:

Rrahim vezët dhe u shtojmë pak kripë, pak piper dhe pak ujë. I përziejmë mirë. Në një tigan skuqim me pak vaj ulliri kungulleshkën e grirë. Shtojmë lulet dhe menjëherë më pas shtojmë vezët e rrahura. Nëse dëshironi mund t’i grini dhe pak djathë kaçkavall sipër ose mund ta prisni djathin dhe ta shtoni në pjatë. Shoqërojeni me çfarë të doni. Ju bëftë mirë!