Ndërsa fuqizimi i grave është duke u rritur në të gjithë botën, vihet re se ende ka vajza dhe gra që dëshirojnë të kenë një partner dominues. Sipas studimeve pretendohet se vajzat e bëjnë këtë zgjedhje në formë të pavetëdijshme, bazuar në mënyrën se si janë rritur. Ato kërkojnë që përgjegjësia dhe vendimet t'i kalojnë vetëm partnerit. Personaliteti luan një rol shumë të rëndësishëm në këtë pjësë. Janë renditur disa arsye pse ndodh tërheqja ndaj partnerëve dominues.

1. Gratë dhe vajzat tërhiqen nga 'djemtë e këqinj'

Ky nuk është stereotip, por përkundrazi, është një fakt më vete. Burrat mbizotërues zakonisht janë duhanpirës, pijedashës, me tatuazhe dhe sjellje impulsive. Thënë thjesht, këto aktivitete janë tërheqëse për disa gra, kështu që ato bëhen 'shënjestra të lehta'. Kjo, nga ana tjetër, i bën "djemtë e këqinj" të patundur dhe dominues. Nuk është çudi që ju bini kokë e këmbë për 'burrat në pushtet'!

2. Zgjedhin dikë që merr vendimet për të dy bashkë

Ekziston një besim themelor se jeta juaj do të ishte një udhëtim i lehtë nëse nuk do të duhej të merrni vendime vetë. Dhe për shkak të kësaj arsye, ju preferoni të jeni me partnerë të cilët mund të marrin frenat dhe të marrin çdo vendim për ju. Atëherë mësoheni me këtë model, i cili ju bën plotësisht të varur prej tyre.

 

3. Njerëzit e këndshëm mund të jenë të mërzitshëm për ju

Nuk preferoni një partner që thjesht pëlqen të bëjë shëtitje romantike, duke ju mbajtur dorën gjatë gjithë rrugës? Në vend të kësaj, preferoni një partner që ka një anë aventureske, dikë që mund t'ju marrë në një udhëtim 'të egër', ku të dy jeni të ngazëllyer nga ajo që jeta ofron. Këto janë disa 'couple goals' të vërteta për ju.

4. Mos ngatërroni dominimin me agresivitetin dhe abuzimin

Sigurisht, të jesh një person dominues është shumë mirë, por ndonjëherë kjo mund ta bëjë atë edhe një person të dhunshëm. Nuk do të thotë që njerëzit dominues nuk janë të dashur, por mund t'ju duan deri në atë masë sa i bën ata më kontrollues. Kuptoni ndryshimin midis abuzimit dhe dominimit. Nëse janë duke bërë gjëra kundër vullnetit tuaj, ky është abuzim. Nëse e gjeni veten në një situatë si kjo, merrni masa menjëherë.

5. Fëmijëria ka më shumë ndikim sesa mendoni në jetën tuaj

Përfundimisht, marrëdhënia juaj përcaktohet nga mënyra se si jeni rritur. Njëri ose të dy prindërit tuaj ishin ose janë autoritar (në kontekst negativ) nga natyra. Ju jeni mësuar me këtë mënyrë jetese dhe në mënyrë të pavëdijshme, kërkoni të njëjtat tipare edhe te partneri. Natyra juaj e nënshtruar është e marrë nga fëmijëria dhe përfundoni duke tërhequr partnerë dominues për të përmbushur 'modelin' përsëri.