Historia e një burri të moshuar ka bërë xhiron e mediave italiane këto ditë. Është një histori Krishtlindjesh që ka protagonist një 94-vjeçar nga Alto Reno Terme, i cili natën e Krishtlindjeve i kishte të gjitha veçse një njeri që të mund të ngrinte dolli me të. Kështu, ai pati idenë gjeniale të telefonojë policinë, të cilët u treguan shumë të gatshëm të plotësonin dëshirën e të moshuarit të vetmuar.

“Mirëmëngjesi, unë quhem Malavolti Fiorenzo, jam 94 vjeç dhe jam vetëm në shtëpi. Nuk më mungon asgjë, më duhet vetëm një person fizik me të cilin të ngre një dolli për Krishtlindje. Nëse do të kishte një polic në dispozicion, dhjetë minuta të vini të më shihni sepse jam vetëm...”

Kjo është thirrja telefonike e marrë nga operatori i qendrës së operacioneve Vergato. Kur dëgjuan lajmin, karabinierët e stacionit Alto Reno Terme shkuan në shtëpinë e të moshuarit që po i priste.

Në sytë e policëve, Fiorenzo u prek dhe i mirëpriti në një dolli të ngrohtë për Krishtlindje. Anekdotat që Z. Malavolti u tregoi dy karabinierëve ishin të pashmangshme, siç ishte ajo e vjehrrit të tij, Marshallit Francesco Sferrazza i cili në kohën e Luftës së Dytë Botërore komandoi stacionin e Karabinierëve në Porretta Terme, që më vonë u shkatërrua gjatë bombardimeve.

Prania e dy policëve, një bisedë, një dolli dhe një telefonatë me video që ata u bënë të afërmve të Fiorenzo-s për të ndarë ato momente gëzimi me ta, ndryshuan fatin e një dite të veçantë.