Big Brother VIP do të mbahet nga ky vit edhe në Kosovë! Reality show pritet të transmetohet në Klan Kosova dhe Art Motion, pasi u njoftua pak ditë më parë se janë siguruar të drejtat për territorin e Republikës së Kosovës me Banijay Rights.
View this post on Instagram
Sot, moderatori i njohur Alaudin Hamiti ka konfirmuar se prezantimi i BBVIP Kosova i është besuar atij.
“Yesss! Është zyrtare! Me shumë kënaqësi konfirmoj se do të jem prezantuesi i BBVK në këtë super aventurë televizive që fillon këtë vjeshtë në ArtMotion & Klan Kosova. Mezi po pres rrugëtimin tremujor në "Big Brother VIP Kosova", me synimin për të sjellë si gjithmonë, më të mirën në tregun mediatik kosovar. Numërimi prapa ka nisur”, -ka shkruar Hamiti në profilin e tij në Instagram, duke e mbyllur postimin me shprehjen që pritet të jetë motoja e BBVIP Kosova, “Krejt sytë n’to”.
View this post on Instagram
Ende nuk është bërë i ditur asnjë emër që pritet të bëhet pjesë e edicionit të parë të reality show-t në Kosovë.