Kate Middleton “e goditi” me shikime të akullta Meghan Markle gjatë fundjavës në Kështjellën Windsor për ta "ngrirë" atë, sipas një eksperteje të gjuhës së trupit.
“Krejt ndryshe nga Meghan e sigurt që njohim, Meghan u shfaq në siklet gjatë këtij takimi, gjë që nuk është befasuese duke pasur parasysh kritikat e fundit me të cilat është përballur”, tha Katia Loisal për Seven News të Australisë.
Ajo vuri në dukje se bashkëshorti i Middleton, Princi William, dukej se po bënte përpjekje për të komunikuar me kunatën e tij - por pohoi se shikimet e Kate jepnin përshtypjen sikur ajo po përpiqej ta "ngrinte" Markle.
"Në shumë raste Meghan e pa Kate në sy, megjithatë, vështrimi nuk iu kthye," tha Loisal, duke shtuar se Middleton dukej se "shikonte përtej" Markle.
Loisal beson se Middleton ishte e suksesshme në qëllimin e saj për ta bërë Markle të ndihej në siklet.
Një tjetër eksperte e gjuhës së trupit, Judi James, tha për Daily Mail se ajo nuk vuri re "asnjë shenjë dashurie" midis William dhe Middleton me Markle dhe Harry-n.
Ribashkimi i dy çifteve në Kështjellën Windsor të Londrës të dielën shënoi herën e parë që u panë në publik së bashku që nga Dita e Komonuelthit më 9 mars 2020, përpara bllokimit të COVID-19.
Ndërsa përshëndetnin turmat që u mblodhën për të mbajtur zi për vdekjen e mbretëreshës Elizabeth II më 8 shtator, Middleton dhe Markle dukej se nuk patën asnjë kontakt me sy me njëra-tjetrën.
