Ajo që ju thotë se nuk do të ndryshojë asgjë pas martesës, ju gënjen, ose nuk ka qenë kurrë e martuar. Edhe nëse keni jetuar bashkë disa vite, gjërat do të ndryshojnë pas muajit të mjaltit. Viti i parë i martesës mund të jetë i vështirë, por nëse e dini çfarë ju pret dhe përgatiteni, është shumë më e lehtë ta përballoni. Ja disa nga ndryshimet që duhet t’i prisni sigurisht:

Miqësitë tuaja

Miqësitë me shoqet do të ndryshojnë, veçanërisht nëse je e para nga ato që martohesh.

Pritshmëritë për privatësi

Tani mikeshat nuk mund të kenë më çelësin e apartamentit tënd dhe as të fusin duart në dollapin tënd të rrobave, edhe pse e kanë bërë këtë për 15 vite.

Periudhat e festave

Planet e festave tani janë më shumë negociata. Me shumë mundësi do gjendesh duke i kaluar në shtëpi që t’i kënaqësh të gjithë. Për shumë çifte, Viti i Ri i parë është një debat i gjatë politik.

Stili i shpenzimit të parave

Nuk ka më shopping produktesh të shtrenjta, duhet të koordinosh të gjitha çështjet financiare si çift. Do ketë një buxhet dhe ti duhet të tregohesh e vërtetë me partnerin për shpenzimet.

Llogaritë tuaja të bankës

Nuk je më e pavarur ekonomikisht, je gjysma e një çifti. Duhet të krijoni një llogari të përbashkët dhe të vendosni emrat e njëri-tjetrit në llogaritë tuaja, pa harruar të ndryshoni përfituesit në shkresat ekzistuese të punës dhe institucioneve financiare. Duhet të vendosni një plan kursimesh dhe pikësynime financiare.

Programi juaj

Shpresojmë që ju do t’i ndani detyrimet dhe përgjegjësitë, por qoftë për punë apo qejf, do kaloni më shumë kohë bashkë. Gjithashtu, keni edhe dy familje me të cilat jeni të detyruar të kaloni kohë dhe detyrime profesionale që duhet t’i ndiqni si çift. Edhe nëse keni qenë bashkë prej ca kohësh, koha që do kaloni bashkë tani, do dyfishohet.