Për të pestën herë, këmbanat e dasmës do të bien sërish për manjatin e medias Rupert Murdoch, i cili do të martohet sërish në moshën 92-vjeçare.

“Kisha frikë të dashurohesha, por e dija se kjo do të ishte e fundit”, ka thënë ai.

Murdoch takoi gruan e tij të ardhshme, 66-vjeçaren Ann Lesley Smith, në një event në vreshtin e tij në Kaliforni në shtator.

Ai u nda me gruan e katërt Jerry Hall vitin e kaluar, raporton BBC.

Murdoch tha se i propozoi Smithit, e cili ishte martuar me këngëtarin e ndjerë të kantri, Chester Smith, në ditën e Shën Patrikut.

“Për ne të dy është një dhuratë nga Zoti… Unë flas gjuhën e Rupert. Ne ndajmë të njëjtat besime,” i tha Smith.

E dashura e tij e re, një ish-udhëheqëse e policisë së San Franciskos, ishte e martuar me muzikantin dhe biznesmenin Chester Smith, i cili ishte aktiv në televizion dhe radio, deri në vdekjen e tij në 2008.

Smith pohoi se profesioni i të shoqit të ndjerë, marrëdhënia e saj me median bëri që partnerin e saj të ri ta takonte pikërisht në media dhe e quan takimin me të si një “dhuratë perëndie për të dy”.

“Kam 14 vjet që jam e ve. Burri im ishte biznesmen, si Ruperti… Ne flasim të njëjtën gjuhë. Ne ndajmë të njëjtat pikëpamje. Në këtë drejtim, unë kam një përvojë”, tha Smith.

Murdoch i propozoi partneres së tij të re vetëm gjashtë muaj pasi u takuan dhe më pak se një vit pasi u divorcua nga gruaja e tij e katërt dhe ish-supermodelja, Jeri Hall. Sipas gazetës britanike “Independent”, Jerry Hall deklaron se është “e shkatërruar nga lajmi i fejesës së tij”, pasi “ajo është ende e dashuruar me të”.

Vlen të përmendet se Rupert Murdoch kontrollon një perandori të madhe mediatike, në Evropë, Australi dhe Amerikë, e cila përfshin gazeta, stacione radio dhe rrjete televizive. Disa nga mediat më të njohura që ka janë rrjeti televiziv amerikan “Fox News”, gazeta britanike Times of London dhe ajo amerikane “Wall Street Journal”. Pasuria e tij totale arrin në 17 miliardë dollarë, sipas revistës amerikane Forbes. Miliarderi australian është martuar gjithsej katër herë dhe ka gjashtë fëmijë nga tre martesat e tij të para.