Rihanna po shton hapësirën për familjen e saj në rritje. Këngëtarja, e cila aktualisht është në pritje të fëmijës së saj të dytë, sapo ka ndërruar apartamentin e saj prej shumë vitesh në Century City për një apartament prej 21 milionë dollarësh në të njëjtën ndërtesë të famshme.

Sipas Dirt, Riri është zhvendosur nga apartamenti i saj me tre dhoma gjumi, 3,500 metra katrorë në Century, në një rezidencë 9,290 metra katrorë. E para ka shërbyer si rezidenca e saj kryesore që nga viti 2014, e vendosur brenda ndërtesës së projektuar nga Robert A. M. Stern në Los Angeles. ‘Penthouse’ i saj i ri, të cilin ajo do ta ndajë me reperin A$AP Rocky dhe dy fëmijët e tyre, shtrihet në të gjithë katin e 40-të dhe ka katër dhoma gjumi të gjera dhe gjashtë tualete.

Më herët aty ka jetuar edhe aktori Matthew Perry. Ylli i Friends jetoi aty nga 2017 deri në 2021 dhe bëri shumë ndryshime gjatë periudhës katërvjeçare. Me rinovimet e tij, ‘penthouse’ tani përfshin një kinema dhe një suitë me oxhak dhe banjo.

Në të gjithë banesën, ka dritare të larta nga dyshemeja deri në tavan me pamje gjithëpërfshirëse të qytetit. Pikat kryesore të tjera përfshijnë katër tarraca, një dhomë të madhe ndenjeje dhe një kuzhinë moderne. Kulla 42-katëshe është e njohur si një arratisje "e mbrojtur nga paparacët" për të pasurit dhe të famshëm të Kalifornisë, me një qendër fitnesi dhe një pishinë. Të gjithë nga Denzel Washington dhe Nobu Matsuhisa tek Paula Abdul dhe Terry Dubrow kanë qenë banorë të ndërtesës.