Sipas “T.H.E Music Essentials”, festivali “Sunny Hill” i organizuar nga Dua Lipa dhe babai i saj, Dukagjini, është një nga 5 festivalet pë të mira në Europë. (KLIKO)
“Nëse jeni adhurues i muzikës dhe dëshironi që të ndiqni një festival gjatë kësaj verë, atëherë keni ardhur në vendin e duhur. Ne postimin e sotëm do t’ju prezentojmë festivalet më të mira që do te mbahen gjatë verës që me shumë vendosmëri ua sugjerojmë për t’i ndjekur, varësisht cilin zhanër pëlqeni”, shkruan gazetari Akshay Bhanawat per “T.H.E Music Essentials” dhe iu premton lexuesve se nuk do të zhgënjehen nga lista e tyre.
Në mesin e pesë festivaleve më të mëdha evropiane radhitet edhe festivali Sunny Hill Festival i cili nga autori cilësoht si “padyshim festivali më i mirë në Europën Juglindore”.
Për 2023 çmimet dhe artistët ende nuk janë zbuluar, por gjithsesi festivali konsiderohet si i domosdoshem (Must See) për dashamirët e muzikës dhe kulturës.
Në edicionet e kaluara kanë performuar artistë si: Miley Cyrus, J Balvin, Calvin Harris, Martin Garrix, Afrojack, Hardwell, dhe shumë artistë të tjerë shumë të njohur ndërkombëtarë si dhe artistë shumë të njohur lokalë.
Lista e pesë festivaleve më të mirë:
Primavera Sound (May 29th – June 4th) – Barcelonë, Spanjë
Glastonbury (June 21st – June 25th) – Shepton Mallet, Somerset, Mbretëri e Bashkuar
Womad (July 27th – July 30th) – Malmesbury – Mbretëri e Bashkuar
Sunny Hill Festival (beginning of August) – Prishtinë, Kosovë
Rock and Seine (August 23rd – August 27th) – Paris, Francë.
