Këngëtari i mirënjohur Tiri Gjoci ishte i ftuar mëngjesin e sotëm në emisionin “Wake Up”, ku ka folur ndër të tjera edhe për dëshirën për të qenë pjesë e edicionit të rradhës të “Big Brother VIP”.
Ai është shprehur se është i dhënë pas formateve të tilla që përfshijnë konkurrencën dhe shpirtin garues, teksa beson se do të kalontë pritshmëritë e të gjithëve.
“Me thënë të drejtën kam shumë qejf më tepër si eksperiencë. Me thënë të drejtën unë jam tip që nuk i kam shumë qejf vendet e mbyllura dhe më duket si një sfidë me veten. Plus jam një tip që e kam shumë qejf garën me thënë të drejtën. Në momentin që futem në garë, këtu ndryshoj dhe luftoj goxha.
E para e punës, besoj se kam goxha për të dhënë. Votoni Tiri Gjocin sepse nuk do ju zhgënjejë kurrë! Kam aspekte të tjera që njerëzit nuk ia kanë apsolutisht idenë. Tirin e njohin si një njeri serioz, që është mendjemadh, nuk e di pse. Në rast se do futem atje, jam e sigurt që do jetë komplet e kundërta,”-tha Tiri.
