Enca ka reaguar në mediat sociale ditën e djeshme për herë të parë pas arrestimit. Fillimisht, ajo postoi emojin e një zemre dhe më pas falenderoi ndjekësit për mbështetjen.
“Jam shumë mirënjohëse dhe e bekuar për të gjithë suportin, komentet pozitive dhe dashurinë që kam marrë gjatë ditëve të vështira që kalova”, shkruan këngëtarja.
Përpos këtyre, ajo ka ripostuar dhe një foto të saj në plazh ku shkruan me ironi: “Kanë qenë duke studiuar ballkonin tim”.
Enca u arrestua më 12 shtator pasi në ballkonin e shtëpisë së saj u gjetën 5 vazo të mëdha me bimë kanabisi. Bashkë me të u shoqërua dhe i dashuri i saj, i cili u lirua menjëherë pas marrjes në pyetje. Këngëtarja kaloi 2 ditë në qeli, e më pas u la e lirë me urdhër të Gjykatës së Tiranës e cila i caktoi masën e “detyrim paraqitje”.
Ata e konsideruan arrestimin të paligjshëm, pasi nuk ka patur urdhër arresti nga gjykata, por vetëm me iniciativë të OPGJ. Mbrojtja deklaroi në seancë se mbjellja e bimës është bërë për kureshtje.