Nga shakaja e hidhur ndaj Taylor Swift te misteri i hundës së Cillian Murphy: Momentet më pikante të Golden Globes 2024

Aktorët u rikthyen në tapetin e kuq, dhe Golden Globes u rikthyen në një version të tjetër (pas skandaleve). Edicioni i 81-të, i mbajtur në hotelin Beverly Hilton në Los Angeles, ishte një ceremoni (relativisht) e shpejtë, pa ndodhi të pabesueshme për t'u mbajtur mend, por me një numër shumë të lartë të yjesh të pranishëm. Një edicion padyshim që thyen rekord nga ky këndvështrim, i cili, për sa i përket çmimeve, pa 'Barbenheimer' në betejë: Sfida e 'Barbie' kundër 'Oppenheimer', e fituar në këtë rast nga ky i fundit.

Por le të shkojmë me radhë. Ja çfarë do të kujtojmë (ose nuk do të mbajmë mend) nga Golden Globes 2024.

1. BUZËKUZI NË HUNDËN E CILLIAN MURPHY

Aktori, shumë i emocionuar, doli në skenë pothuajse duke vrapuar për të marrë çmimin më të lakmuar: Aktori më i mirë në një film dramatik për rolin e tij në 'Oppenheimer'. Dhe menjëherë më pas ai pyeti: «Pyetja e parë: a kam buzëkuq në hundë?». Në fakt, pak më parë aktori kishte puthur gruan e tij Yvonne McGuinness. "Po e heq, jo, në fakt po e mbaj," tha ai.

2. PUTHJA E KYLIE JENNER DHE TIMOTHEE CHALAMET

Të dy nuk kaluan bashkë në tapetin e kuq, por pak pas hyrjes së tij, Kylie Jenner iu bashkua aktorit. Të ulur pranë njëri-tjetrit ata u puthën para kamerave, duke zyrtarizuar kështu historinë e tyre. 

3. DIAMANTI I HUMBUR NË TAPETIN E KUQ

Keltie Knight, korrespondente e E!News, thuajse në fund të tapetit të kuq ngriti alarmin: “Një diamant katër karatësh nuk është më i vendosur në unazën time, a mund të më ndihmoni ta gjej?”. Gazetarja shkroi një postim në Instagram duke përdorur këto fjalë: “Nëse jeni yll dhe shihni një diamant 4 karatësh në tapetin e kuq, ju lutemi kthejeni!”, tha ajo duke bërë menjëherë kërkimin e saj viral. 

4. BISEDA MIDIS SELENA GOMEZ DHE TAYLOR SWIFT

Selena Gomez shkoi në tavolinën e shoqes së saj Taylor Swift për ta përqafuar sepse edhe gjatë një mbrëmjeje të rëndësishme ka përparësi shoqja jote më e mirë. Të dyja u përqafuan fort me njëra-tjetrën, përpara se t'i thoshin diçka në vesh. Një sekret mes mikeshash, padyshim.

5. KIERAN CULKIN DUKE I THËNË PEDRO PASCAL-it "SUCK IT"

Aktori fitoi çmimin si 'Aktori më i mirë në një serial dramë' për rolin e tij në 'Succession'. Ai iu drejtua kolegut të tij (dhe rivalit) Pedro Pascal dhe i tha: "Merre këtë, Pedro". Aktori bëri sikur qante.

6. RIBASHKIMI I MERYL STREEP DHE AMANDA SEYFRIED

Dy aktoret luajtën në Mamma Mia dyshen nënë-bijë Sophie dhe Donna!. Dhe Mamma Mia! Ja ku shkojmë sërish.

7. FITORJA HISTORIKE E LILY GLADSTONE

Kur Lily Gladstone doli në skenë për të marrë çmimin për 'Aktoren më të Mirë në Film - Dramë' për interpretimin e saj në 'Killers of the Flower Moon', e para për të dhe një interpretuese vendase amerikane, aktorja filloi duke folur në gjuhën Blackfeet. Në filmin e Martin Scorsese ajo luan Mollie Burkhart, një grua Osage, anëtarët e familjes së së cilës vriten për shkak të pasurisë së tyre. “Kjo fitore është historike”, tha ajo, “Nuk më përket vetëm mua. E mbaj në dorë për të gjitha motrat e mia”.

8. SHAKAJA PËR TAYLOR SWIFT QË NUK I PËLQEU KËNGËTARES

Një shaka e aktorit të humorit Jo Koy, i cili doli në skenë për të argëtuar sallën ka shkaktuar goxha polemika. “Dallimi i madh mes Golden Globes dhe NFL?”, pyet Koy, në monologun hapës të ceremonisë së ndarjes së çmimeve: referenca është për Ligën Kombëtare të Futbollit, në të cilën luan i dashuri i Taylor Swift, Travis Kelce. "Ka më pak foto të Taylor Swift në Golden Globes". Shakaja e Koy-t u pasua nga ftohtësia e Taylor: ajo piu pije dhe shprehja e fytyrës i tha të gjitha. Ajo nuk e pëlqeu atë. 

9. DEBUTIMI I MATT DAMON DHE FLOKËT E TIJ

Aktori, 53 vjeç, u shfaq në 'Golden Globes 2024' me një pamje të re: flokët e tij natyralë gri, duke shkaktuar reagime pozitive nga fansat. Në krah të tij, gruaja e tij Luciana Barroso, Jennifer Lopez dhe miku i tij i madh Ben Affleck.