Burri i paidentifikuar, 52 vjeç, shkoi në spital duke u ankuar se dhembjet e kokës nga migrena po shpeshtoheshin çdo javë.
Skanimet zbuluan ciste në dy anët e trurit, që rezultuan të ishin vezë të krimbave të zorrëve.
Burri u tha mjekëve se kishte kohë që pëlqente të hante proshutë të pagatuar mirë dhe mjekët besojnë se ky është shkaku i infeksionit të tij.
Gjendja, e quajtur neurocisticerkoza, mund të çojë në konvulsione, madje edhe vdekje.
‘Neurocisticerkoza është një infeksion parazitar i parandalueshëm i shkaktuar nga cistat larva (qeset e mbyllura që përmbajnë fazën e papjekur të një paraziti) të krimbit të derrit (Taenia solium).Kistet e larvave mund të infektojnë pjesë të ndryshme të trupit duke shkaktuar një gjendje të njohur si cisticerkoza. Kistet e larvave në tru shkaktojnë një formë cisticerkoze të quajtur neurocisticerkozë, e cila mund të çojë në kriza. Neurocisticerkoza, e cila prek trurin, është forma më e rëndë e sëmundjes dhe mund të jetë fatale’, thotë CDC.
Mënyra se si paraziti përfundon në kokë pasi gëlltitet është po aq e pakëndshme, sa mendimi i vezëve të krimbave në tru.
Pas ngrë nies së mishit të derrit, të pagatuar mirë dhe të infektuar, merret infeksioni i krimbit të zorrë ve dhe vezet kalojnë në feçe. Mjekët dyshojnë se përmes ‘larjes jo korrekte të duarve’ këto vezë rihynë në trup dhe kalojnë në tru përmes qarkullimit të gjakut.
Burri u trajtua me medikamente antiparazitare dhe anti-inflamatore dhe u udhëzua të vizitohet në një klinikë të specializuar për sëmundjet infektive.
