?
|
|||
 |
Menstruacionet nuk janë normale të shoqërohen me dhembje të forta dhe shumë gjakderdhje, dhe kjo nuk mund të anashkalohet pa një kontroll te gjinekologu. Nëse vëreni ndonjë ndryshim gjatë menstruacioneve bëni mirë të flisni me gjinekologun pasi mund të jetë shenjë e endometriozës ose fibroideve të mitrës.
Në SHBA, endometrioza prek një në dhjetë gra, ose 10% të moshës riprodhuese. Endometrioza është një çrregullim i dhembshëm ku indet jo kancerogjene, të cilat ndodhen brenda mitrës, rriten jashtë mitrës. Është e zakonshme, pasi rreth shtatë nga dhjetë gra (70%) diagnostikohen me fibroide të mitrës deri në moshën 50-vjeçare.
Endometrioza mund të fillojë me menstruacionet e para dhe të zgjasë për dekada, zakonisht deri në menopauzë. Megjithëse dhembja e fortë dhe gjakderdhja nuk janë simptomat e vetme, të rënda. Për disa gra, dhembja e barkut, lodhja dhe dhembja gjatë marrëdhënieve seksuale mund të jenë gjithashtu tregues të gjendjes.
Fatkeqësisht, këto simptoma ose, më saktë, ndryshueshmëria e simptomave, mund ta bëjnë atë një sfidë për ta diagnostikuar. Dr.Kho thotë se pacientët me endometriozë mund të shfaqin një, disa ose asnjë nga këto simptoma. Ndaj, kjo është arsyeja pse mund të duhen deri në 10 vjet që disa gra të marrin një diagnozë të saktë.
Gjithashtu, thuhet se mund të ketë një komponent gjenetik për endometriozën. Ndërkohë që shkenca ende po përpiqet të përcaktojë arsyen pse ndodh, të dhënat tregojnë se ka 50% mundësi që endometrioza të trashëgohet.
Por, jo të gjitha gratë e kanë të trashëguar. Ka faktorë të tjerë që mund të çojnë në një diagnozë të endometriozës.
Endometrioza mund të ndikojë marrëdhëniet intime, cilësinë e jetës, aftësinë tuaj në punë, në shtëpi. Gjithashtu, mund të çojë në infertilitet dhe komplikime të tjera.
Shumë gra janë nervoze për të ndarë simptomat e tyre, por nëse keni perioda të dhembshme, keni vënë re ndryshime ose ndiheni sikur diçka nuk shkon, është e rëndësishme të dëgjoni trupin tuaj dhe të flisni.
Dikur, kirurgjia ishte metoda e vetme për diagnostikimin e gjendjes. Megjithatë, falë përparimeve në teknologjinë e imazherisë, është bërë shumë më e thjeshtë dhe më e arritshme për të identifikuar gjendjen pa pasur nevojë për kirurgji. Kur bëhet fjalë për diagnostikimin e endometriozës së thellë dhe të vezores, testet si MRI dhe/ose ultratingulli i krijuar posaçërisht për të zbuluar këto kushte, mund të jenë mjaft të dobishme. Krahas simptomave të pacientit, këto teste ofrojnë informacion të vlefshëm për një diagnozë gjithëpërfshirëse.
Përvoja e secilës grua me endometriozë është e ndryshme, prandaj është e domosdoshme të bisedoni me gjinekologun tuaj nëse mendoni se diçka nuk shkon siç duhet.
Mbani mend, endometrioza mund të diagnostikohet dhe trajtohet më lehtë sesa mendoni.
