Chiara Ferragni mbush 37 vjeç, ditëlindja më e vështirë ndonjëherë

Një tortë me një qiri të kuq dhe fëmijët e saj Leone dhe Vittoria, në krahë, duke e mbushur me puthje. Kështu Chiara Ferragni feston 37-vjetorin me familjen e saj. “Kjo është një ditëlindje e veçantë për mua. Si grua dhe nënë, shoh se gjithçka që mund të dëshiroja është pikërisht këtu: dashuria e fëmijëve, familjes dhe miqve të mi pranë meje. Faleminderit të gjithëve që më dërgojnë dashurinë dhe mbështetjen e tyre; kur pakkush kërkon të lëndojë, mirësia juaj më frymëzon ndërsa filloj këtë kapitull të ri në jetën time."

Influencuesja është rikthyer për të gjallëruar rrjetet e saj sociale, duke treguar destinacionet e udhëtimeve dhe veshjet, me të cilat ka bërë për vete ndjekësit e saj vitet e fundit. E, në Instagram ka postuar edhe foto nga festimet, të cilat kanë nisur shumë më herët, me miqtë. Ditë më parë Chiara Ferragni fluturoi për në Los Angeles, “Aty ku filloi gjithçka”, siç shkruante duke komentuar në një nga fotot e publikuara. Nga ana tjetër, pikërisht aty lindi blogu i saj 'The Blond Salad', me të cilin u bë e famshme në mbarë botën. Por jo vetëm kaq: në filmin autobiografik, influencuesja tha se ishte në Los Angeles (ku kishte jetuar për një periudhë) kur mësoi se një reper - Fedez- e kishte përmendur në një nga këngët e tij. Dhe ishte në metropolin kalifornian që lindi Leone.

Megjithatë, këtë herë, gjithçka ka ndryshuar: Chiara Ferragni ishte së bashku me disa nga miqtë e saj (influencuesit Veronica Ferraro, Chiara Biasi, Martina Maccherone dhe Pardis Zarei dhe Manuele Mameli) të cilët e filmuan atë në disa video, ku duket e gëzuar dhe e shkujdesur, teksa kërcente në diskotekë.

Një ditëlindje shumë ndryshe nga viti i kaluar, kur ajo festoi në liqenin e Komos me fëmijët dhe bashkëshortin e saj dhe Fedez, në Instagram i dedikoi një dedikim shumë romantik: "Kanë kaluar 6 vite nga ajo ditë në Verona Arena, jeta ka rezervuar për ne momente të pashlyeshme dhe të paçmueshme, dy fëmijë që e kanë mbushur ekzistencën tonë me dashuri por edhe sfida e pengesa që jam i sigurt se pa ty në krah nuk do të kisha mundur t'i përballoja në të njëjtën mënyrë. Ti ke qenë dhe do të jesh përgjithmonë shpëtimi im."

Sot të dy po tregojnë jetët e tyre të reja si beqarë në rrjetet sociale, nga e cila janë zhdukur fytyrat e fëmijëve të tyre, tashmë të shfaqura vetëm nga pas, për t'i mbrojtur ata në këtë fazë pasigurie dhe krize.