Një lajm i bujshëm vjen nga merkatorja verore: Liverpool është në kërkim të përforcimeve për mesfushën dhe ka hedhur sytë te talenti i Kombëtares Shqiptare dhe Inter-it, Kristjan Asllani. Sipas “The Atlantics”, klubi anglez po shqyrton mundësinë e një transferimi të mesfushorit 22-vjeçar, i cili ka treguar një potencial të madh gjatë sezonit të kaluar dhe shkëlqeu në ‘Euro 2024’.
Asllani, i cili luajti si titular në gjashtë ndeshje në Serie A sezonin e kaluar, ka rënë në sy për aftësitë e tij teknike. Ai është një lojtar i cili mund të luajë si 'regjisor', duke kontrolluar lojën dhe duke ndihmuar në fazën e ndërtimit të aksioneve sulmuese. Performanca e tij në rritje me Inter-in e ka bërë atë një kandidat ideal për të përforcuar mesfushën e Liverpool-it.
Trajneri i Liverpool-it, Arne Slot, po kërkon një mesfushor që të kontrollojë lojën duke ndërtuar sulme dhe duke parandaluar kundërsulmet. Asllani duket se i përmbush këto kërkesa dhe mund të jetë një blerje e vlefshme për skuadrën e "The Reds".
“Kristjan Asllani i Interit luajti si titullar vetëm gjashtë ndeshje në Serie A sezonin e kaluar, por u rrit duke treguar prova të mjaftueshme se ai mund të luajë si “regjisor” në skuadrën e Simone Inzaghit. Me aftësi të mira teknike me të dyja këmbët, 22-vjeçari Asllani është gati ta çojë lojën në një nivel tjetër”, shkruan The Athletic.
Përveç performancave të tij me Inter-in, Asllani ka tërhequr vëmendjen e klubeve të mëdha edhe për paraqitjet e tij në ‘Euro 2024’. Ai ishte një nga lojtarët kryesorë të kombëtares shqiptare dhe tregoi një pjekuri të madhe në fushë, duke udhëhequr mesfushën e Shqipërisë me inteligjencë dhe vendosmëri.
Pak ditë më parë një deklaratë e Asllanit duket se konfirmoi qëndrimin e tij në Milano edhe për sezonin e ri. "Sezonin e ardhshëm do të përpiqemi t'i bëjmë të gjitha përsëri", duke lënë të nënkuptohet se do vazhdojë të qëndroj te Interi.“Ne jemi një ekip i madh”, vazhdoi 22-vjeçari. “Dhe ne duhet të synojmë për majën në të gjitha garat. Ishte shumë emocionuese të dilja në fushë me dy yje dhe Scudetton. Dhe tani mezi presim të kthehemi në San Siro dhe të luajmë para të gjithë tifozëve tanë.”
Transferimi i mundshëm i Asllanit në Anfield do të ishte një hap i madh në karrierën e tij. Ndërsa merkatoja e verës vazhdon, mbetet për t'u parë nëse Liverpool do të ndërmarrë hapa konkretë për të siguruar shërbimet e Asllanit.
