Selena Gomez dhe producenti i famshëm muzikor Benny Blanco kanë bërë hapin e madh pas një viti lidhjeje. 32 vjeçarja tregoi unazën e saj të fejesës me diamant marquise në një postim në Instagram të mërkurën në mbrëmje, duke shkruar: "Përgjithmonë fillon tani…"
Unaza me diamant, me një formë unike dhe domethënie të veçantë, ka tërhequr vëmendjen e të gjithë fansave dhe miqve të saj të famshëm. Ndër të parët që komentuan ishte shoqja e saj e ngushtë, Taylor Swift, e cila me humor ofroi të ishte "vajza e luleve" në dasmën e çiftit.
Benny Blanco, 36 vjeç, zgjodhi këtë lloj diamanti në një homazh të veçantë për këngën e saj të vitit 2015, “Good For You”, ku Selena këndon: "I’m on my marquise diamonds / I’m a marquise diamond", duke bërë shaka më pas: "Could even make that Tiffany jealous."
Fansat menjëherë vunë re lidhjen emocionale pas zgjedhjes së unazës, duke shpërthyer me komente emocionuese në rrjetet sociale. Një fans shkroi: “A e zgjodhi Benny këtë unazë në nder të këngës së tyre? Ky standard është tepër i lartë!” Ndërsa një tjetër komentoi: “Ai është kaq i ëmbël për këtë gjë.”
Forma unike e gurit, një oval i zgjatur me maja të mprehta në të dyja anët, ka një histori romantike që daton që nga shekulli i 18-të. Mbreti Louis XV e porositi këtë formë për të simbolizuar buzët e të dashurës së tij, Marquise de Pompadour.
Ekspertët e bizhuterive vlerësuan se më pak se 5% e diamanteve janë në formë marquise.
Një diamant marquise i kësaj cilësie dhe madhësie është jashtëzakonisht i rrallë dhe vjen me një çmim të lartë.
Ekspertët vlerësojnë se unaza është afërsisht 8 karat dhe ka një vlerë rreth 250,000 dollarë.
