Në disa qytete është më e lehtë për t’u takuar me njerëz të rinj, kështu që ekspertët e sigurimeve shëndetësore në Comparethemarket kryen kërkime për të gjetur qytetet më sociale në mbarë botën.

Studimi analizoi faktorë që përfshinin vlerësimin e përfshirjes së secilit vend, numrin e grupeve të takimeve dhe vendndodhjet sociale, dhe kërkimet për aplikacione miqësie, për të përcaktuar se cilat janë vendet më miqësore në Europë.

Dublini është qyteti më i lehtë për të bërë miq si emigrant në Europë

Kryeqyteti irlandez merr kurorën në renditjen e krahasuar të qyteteve më sociale në Europë, duke shënuar 69.73 nga 100 në total.

Dublini ka shumë grupe takimi dhe shumë mundësi për të frekuentuar vende për të njohur njerëz të rinj, duke e bërë atë një zonë fantastike për t’u shoqëruar për njerëzit që u pëlqen të dalin.

Porto, Portugali, është qyteti më gjithëpërfshirës i Europës

Porto zë vendin e dytë në top 5. Qyteti portugez ka pikë të barabarta me Varshavën, në Poloni, si qyteti me rezultatin më të lartë të renditjes në Indeksin e Gjithëpërfshirjes në Europë—duke shënuar 77.66 në vlerësimet e tyre.

Ndërsa Porto njihet më së shumti si një destinacion turistik, me një histori të pasur dhe arkitekturë të bukur, ai shënon 63.02 nga 100 në përgjithësi në renditje, duke e bërë atë një mundësi të shkëlqyer të gjithanshme, për këdo që kërkon miq vendas në qytet.

Lisbona, Portugali, është e qyteti më i mirë për grupet e takimeve të emigrantëve

Pas qytetit të dytë më të madh të Portugalisë është kryeqyteti i vendit: Lisbona.

Ai ka rezultate të shkëlqyera në të gjithë tabelën, duke u renditur në pesë të parat për përfshirjen dhe numrat e grupeve të takimeve.

Krahasuar me kryeqytetet e tjera të përfshira në renditje, ai është gjithashtu relativisht i vogël, duke e bërë tejet të përshtatshëm për të huajt, që kërkojnë të ndërlidhen pa u mbingarkuar nga atmosfera e zakonshme metropolitane.

Ljubljana, Slloveni, spikat për aplikacionet e miqësisë

Ndërsa Ljubljana renditet lart në të gjitha kategoritë, ka një në veçanti ku është fitues i padiskutueshëm.

Kur bëhet fjalë për kërkimet në Google për aplikacionet e miqësisë, është i vetmi qytet që ka një rezultat katërshifror për 100,000 njerëz.

Kryeqyteti slloven ka një rezultat të përgjithshëm prej 58.54 nga 100, duke i siguruar një vend komod në top pesëshen e Europës.

Disa nga qytetet, që renditen më pas në listë janë Manchester, Amsterdam, Glasgow dhe Zyrih – ky i fundit ka numrin më të madh të grupeve të takimeve për 100,000 njerëz në Europë.

Monitor.al