Mua më intereson shumë ideja për të luajtur lojëra që nuk kanë një vijë finishi (fundi). Disa lojëra kanë vija finishi, si p.sh., bejsbolli, futbolli. Të fitosh një pjesë/rol është një vijë finishi. Ju merrni pjesë në prova, aty ka një fillim, një mes dhe një fund. Pastaj kemi provat dhe praktikën. Pra ju vini dhe merrni pjesë në prova dhe, ju ose fitoni, ose humbisni dhe pastaj çdo gjë përfundon. Kjo është diçka e fundme, pra që ka një fund.

Por karrierat tona janë të pafundme. Nuk ka një fund. Është si jetët tona që janë të fundme, por jeta është e pafundme. Njerëzit vijnë dhe largohen, por jeta vazhdon. Në teatër...aktorët vijnë dhe largohen, por teatri vazhdon. Ai është i pafundmë. Ju nuk e fitoni teatrin. Ju fitoni një pjesë/një rol. Por çfarë ndodh në çastin kur e fitoni rolin? Këtu, loja e së fundmes ka përfunduar.

Tani ju futeni në lojën e pafundme, dhe ju duhet të jeni të aftë që të konvertoheni. Dhe arsyeja përse kjo është e rëndësishme, dhe fatkeqësisht unë e kam parë këtë shumë herë, që në moshë të re gjithçka që ju dëshironit që të bënit ishte që të shkonit në Broadway. Dhe pastaj ju shkoni në Broadway dhe pastaj çfarë? Ju ia keni përkushtuar gjithë jetën tuaj një qëllimi të fundmë dhe kur ju arrini atje, përgjigjja e menjëhershme është dëshpërimi sepse ju i keni kushtuar 15 vite të jetës suaj kësaj gjëje të vetme dhe tani që ju e arrni këtë dhe nuk e di se çfarë do të bëni pas kësaj. Si p.sh., çfarë të bëj, të shkoj prapë në Broadway?! Kjo gjë nuk përbën më të njëjtën ambicie për ju. Nuk keni më të njëjtin pasion, që ju i keni përkushtuar. Ju jeni nga Fargo, Dakota e Veriut dhe gjithçka që ju keni dashur ka qenë që të largoheni nga Fargo dhe t’ia dilni që të shkoni në Broadway dhe ju ia keni dalë. Kjo gjë nuk përbën më të njëjtin lloj pasioni për ju. Dhe kjo ndodh sepse këto janë qëllime të fundme.

Ka shumë studime që janë bërë me sportistë që kanë qëllime të fundme. Që të bëhen ai X i madh në botë. Kështu, Andre Agassi ka qenë një prej këtyre sportistëve. Ai dëshironte që të bëhej tenisti më i madh që ka jetuar ndonjëherë. Çdo njeri në jetën e tij ai i shikonte si të thuash me atë syrin se si do të më ndihmosh ti mua që të arrij aty ku dua të arrij? Çdo gjë kishte të bënte me se si do të më ndihmosh që të arrij atje. Çdo gjë ishte një transaksion, si do të më ndihmosh ti mua që të arrij atje, dhe pastaj e dini se çfarë ndodhi? Ai e arriti këtë, ai u bë lojtari më i madh i tenisit në botë dhe a e dini se çfarë ndodhi menjëherë pas kësaj? Depresion. Michael Phelps kërkonte që të ishte sportisti olimpik që do të merrte më shumë medalje në histori. Dhe a e dini se çfarë? Ai ia doli. Dhe a e dini se çfarë ndodhi menjëherë pas kësaj? Depresion.

Ata shpenzuan të gjithë jetën e tyre për të arritur vetëm një qëllim. Megjithëse, shumë mund të mos ta arrijnë këtë, ata pak që ia dalin, nuk e dinë se çfarë të bëjnë pas këtij çasti sepse qëllimet e tyre ishin të fundme. Qëllimet e tyre ishin të fundme. Dhe kështu, ka komponentë të fundmë në karrierën tuaj, por karriera juaj duhet të jetë e pafundme. Kështu që, po, sigurisht që, ju duhet ta fitoni këtë lojën e fundme. DUHET T’A FITONI ATË ROLIN NË TEATËR. POR MENJËHERË PASI T’A FITONI ATË ROLIN JU DUHET T’A KONVERTONI ATË NË DIÇKA TË PAFUNDME.

https://www.youtube.com/watch?v=bVm1oUIrkG0