Spektakli i së hënës në 'Ferma VIP 2' solli një zhvillim të papritur për ndjekësit e formatit: fermerja Alba Pollozhani vendosi të largohet nga gara. Një vendim i marrë mes tensioneve dhe ndjenjave të ndërlikuara që kanë karakterizuar ditët e fundit brenda fermës.
Edhe pse vendimi për të dalë u komunikua në spektakël, rregullorja e formatit kërkonte që ajo të qëndronte edhe 24 orë të tjera. Por një zarf i mbërritur në fermë, i lexuar nga kryeplaku Albano Bogdo, e përshpejtoi gjithçka: “Alba Pollozhani largohet menjëherë nga Ferma VIP 2.”
View this post on Instagram
Por, menjëherë pas saj, edhe Lim Hoti, me të cilin Alba kishte krijuar një lidhje të fortë emocionale, vendosi të largohej nga formati. Në dalje, ai e përshkroi përvojën si “spektakolare dhe të paharrueshme”, një përshkrim që lë të kuptohet se, përtej lojës, emocionet që ka përjetuar kanë qenë të vërteta.
Largimi i Albës vjen pas një periudhe të trazuar në fermë, ku marrëdhënia mes saj dhe Limit u vendos në qendër të vëmendjes. Situata u komplikua me hyrjen e fermeres së re, Nenna, e cila u bë shkak për tensione dhe keqkuptime mes çiftit.
View this post on Instagram
