Joe dhe Jill Biden shprehën të hënën mirënjohjen e tyre për “dashurinë dhe mbështetjen” që kanë marrë që nga momenti kur zyra e ish-presidentit njoftoi diagnozën e tij me kancer të prostatës, të dielën.
“Kanceri i prek të gjithë,” thanë ata në një postim në rrjetet sociale të Joe Biden.
“Ashtu si shumë prej jush, edhe ne me Jill kemi mësuar se jemi më të fortë aty ku jemi thyer. Faleminderit që na keni ngritur me dashurinë dhe mbështetjen tuaj.”
View this post on Instagram
Zyra e Biden njoftoi të dielën se ai ishte diagnostikuar të premten me kancer të prostatës, duke shtuar se “edhe pse është një formë më agresive e sëmundjes, kanceri duket të jetë i ndjeshëm ndaj hormoneve, gjë që mundëson një menaxhim efektiv.”
“Presidenti dhe familja e tij po shqyrtojnë opsionet e trajtimit me mjekët e tij,” thuhej në deklaratë.
Kjo është një ngjarje në zhvillim. Qëndroni të informuar për përditësime të mëtejshme.
