Lamine Yamal në një romancë me modelen e OnlyFans 12 vite më të madhe

Ylli i ri i Barcelonës, Lamine Yamal, është përfolur për një lidhje romantike me modelen spanjolle të OnlyFans, Fati Vazquez, pasi dyshohet se kanë kaluar kohë së bashku gjatë pushimeve.

Çfarë ka ndodhur?
17-vjeçari i Barcelonës po shijon një pushim të merituar pas një sezoni të gjatë dhe të suksesshëm, ku fitoi La Ligën dhe Kupën e Mbretit. Megjithatë, pushimet e tij kanë tërhequr vëmendjen e mediave në Spanjë, pasi sipas Mundo Deportivo, aktiviteti i tij në rrjetet sociale tregon se ka kaluar disa ditë në të njëjtën vendndodhje dhe në të njëjtën kohë me Fati Vazquez, një influencuese 30-vjeçare spanjolle. Foto të postuara nga të dy në Instagram duket se janë bërë në të njëjtin ambient.

Çfarë tha Fati Vazquez?
Pasi nisën spekulimet për një lidhje të mundshme mes saj dhe adoleshentit të Barcelonës, Fati Vazquez reagoi me një deklaratë në rrjetet sociale, ku kritikoi ashpër komentet negative që ka marrë:

“Është e trishtueshme të shohësh se si disa njerëz mbartin kaq shumë errësirë brenda vetes, sa arrijnë të urojnë vdekjen e dikujt që as nuk e njohin. Ajo që të tjerët projektojnë, flet më shumë për ta sesa për mua. Unë zgjedh të jetoj me qëllim, të vazhdoj të rritem dhe të rrethoj veten me dritë. Për ata që më urojnë të keqen, u uroj shërim, sepse askush që është në paqe me veten nuk dëshiron të shkatërrojë një tjetër.”

Pavarësisht spekulimeve në rrjet, Lamine Yamal i ka mohuar kategorikisht pretendimet për një lidhje me Vazquez. Sipas gazetës Sport, gazetari i njohur për lajme showbiz-i, Javi de Hoyos, ka kontaktuar me Yamal, i cili ka deklaruar se “nuk ka asgjë mes tyre”. Madje, sipas tij, Vazquez mund të ketë diçka me një tjetër futbollist të Barcelonës.

Për momentin, Yamal do të vazhdojë të shijojë pushimin pas një sezoni të lodhshëm por të suksesshëm. Ai pritet të festojë 18-vjetorin muajin e ardhshëm dhe më pas do t’i bashkohet skuadrës së Barcelonës për turin përgatitor të verës në Azi.