Dikur u duk se kishin lënë pas të shkuarën, por rrjetet sociale tregojnë të kundërtën. Hailey Bieber dhe Selena Gomez nuk ndjekin më njëra-tjetrën në Instagram, dhe kjo ka mjaftuar që fansat të rikthejnë në qendër të vëmendjes spekulimet e vjetra për një përplasje mes tyre.
Vëzhgues të kujdesshëm në rrjete sociale vunë re këtë ndryshim, duke vënë në pikëpyetje marrëdhënien e dy yjeve, të cilat bënë bujë në vitin 2023 kur e ndoqën njëra-tjetrën për herë të parë.
Disa fansa madje spekuluan se njëra nga ato mund të ketë bllokuar tjetrën, për ta bërë të duket si një “shkëputje e ndërsjellë”.
Të tjerë shprehën habi që ato kishin pasur ndonjëherë ndjekje reciproke, ndërsa disa e quajtën këtë dramë të vjetër si “të lodhshme”.
Hailey Bieber është e martuar me Justin Bieber që prej gati 7 vitesh, ndërsa Selena ka pasur një lidhje të gjatë dhe të komentuar me këngëtarin, që zgjati me ndërprerje nga 2010 deri më 2018.
Në shtator 2022, në një intervistë për podcastin “Call Her Daddy”, Hailey deklaroi se mes saj dhe Selenës “ka vetëm dashuri”, ndërsa një muaj më vonë ato u fotografuan së bashku, duke buzëqeshur në një event gala, duke u bërë virale në rrjet.
Edhe pse u duk se kishin lënë mënjanë të kaluarën, thashethemet për rivalitetin mes tyre kurrë nuk u fashitën plotësisht.
Pavarësisht gjestesh virtuale pozitive, ndjekësit tani pyesin nëse kjo distancë e re virtuale është shenjë e një ftohjeje të vërtetë. Veçanërisht tani që Hailey dhe Justin janë bërë prindër të vogëlushit Jack Blues, ndërkohë që martesa e tyre po përflitet shpesh në media për tensione dhe krizë.
A është ky një tjetër episod në serialin pa fund të marrëdhënies Gomez–Bieber, apo thjesht një rastësi e rrjeteve sociale?
