Dihet mirë se përdorimi i retinolit në kujdesin e jashtëm të lëkurës bën një diferencë të dukshme në reduktimin e rrudhave, përmirësimin e akneve dhe riparimin e dëmeve nga dielli. Por ajo që ndoshta nuk dini është se vitamina A, e cila përfshin retinolin, mund të përfitohet edhe përmes ushqimeve, duke ndikuar drejtpërdrejt në shëndetin dhe pamjen e lëkurës tuaj.

“Dieta ndikon thellësisht në shëndetin dhe pamjen e lëkurës,” thotë dermatologia e certifikuar Dr. Dendy Engelman. “Studimet tregojnë se një marrje më e madhe e vitaminave mund të ndihmojë në luftën kundër plakjes dhe akneve.”

Pse është e rëndësishme vitamina A?
Vitamina A është vitaminë e tretshme në yndyrë dhe thelbësore për trupin, por nuk prodhohet vetë nga organizmi. Duhet marrë përmes ushqimit ose produkteve kozmetike.

Retinoli, i përdorur shpesh në kremrat e natës, është një formë aktive e vitaminës A që shndërrohet në acid retinoik kur aplikohet në lëkurë.
Ndërsa përmes ushqimeve, vitamina A ndahet në dy forma:

-Retinoli, i gjetur në ushqime me origjinë shtazore
-Karotenoidet, që gjenden në ushqime me bazë bimore dhe shndërrohen në vitaminë A gjatë tretjes

Çfarë përfiton trupi nga vitamina A?
-Mbështet shëndetin e lëkurës, flokëve dhe thonjve
-Ndihmon në rregullimin e yndyrës së lëkurës (sebumit)
-Përmirëson qarkullimin e qelizave, që ndihmon rigjenerimin
-Nxit prodhimin e keratinës, një proteinë jetike për flokët dhe thonjtë

Sa vitaminë A duhet të konsumojmë?
Sipas Mayo Clinic, sasia e rekomanduar ditore është:

-900 mikrogramë (mcg) për meshkuj
-700 mcg për femra

Nuk është e nevojshme të tejkalohet kjo sasi, por është shumë e rëndësishme që marrja të jetë e rregullt dhe e balancuar.

-Kujdes me teprimin
Konsumi i tepërt i vitaminës A mund të çojë në hipervitaminozë A, një gjendje toksike që shkakton efekte të padëshiruara si:

-Rënie e flokëve
-Çrregullim i barrierës së lëkurës
-Probleme me mëlçinë apo kockat
-Konsultohuni me mjekun para se të shtoni suplemente të vitaminës A.

15 ushqime të pasura me vitaminë A që ndihmojnë prodhimin e kolagjenit
-Mëlçi (sidomos viçi apo pula) – përmban të gjithë dozën ditore
-1 gotë qumësht – rreth 185 mcg
-Gjysmë filxhani pjepër – rreth 135 mcg
-1 vezë e zier e madhe – 75 mcg
-3 onsë salmon – rreth 60 mcg
-Gjysmë filxhani karota të freskëta – rreth 460 mcg
-Gjysmë filxhani spinaq – rreth 570 mcg
-Gjysmë filxhani speca të kuq të freskët – rreth 120 mcg
-1 patate e ëmbël me gjithë lëkurë – e përmbush plotësisht dozën ditore
-Çardh (lakra zvicerane) – rreth 55 mcg
-5 kajsi të thata (me sulfur) – rreth 65 mcg
-Pjeshkë të freskëta – rreth 24 mcg
-1 mango e plotë – rreth 115 mcg
-Qumësht soje i pasuruar – alternativë bimore me vitaminë A të shtuar
-Djathë i fortë (si cheddar) – përmban rreth 263 mcg në 100 g

Nëse dëshironi lëkurë më të shndritshme, prodhim të qëndrueshëm kolagjeni dhe flokë të shëndetshëm, mos u kufizoni vetëm te kremrat me retinol. Ushqimi është po aq i rëndësishëm. Balanca është çelësi, konsumoni me ndërgjegje dhe këshillohuni me specialist për nevojat tuaja individuale.

Burimi: Vogue
Përktheu: Revista Class