Në rast se ju ka shpëtuar: Jeff Bezos dhe Lauren Sánchez organizuan një dasmë madhështore në Venecia, por Charlize Theron nuk ishte aspak e impresionuar.
Jeff Bezos, personi i tretë më i pasur në botë, dhe partnerja e tij Lauren Sánchez, organizuan një fundjavë dasmore spektakolare në Venecia, të mbushur me yje të botës së showbizit. Ceremonitë thuhet se kanë kapur shifrën e mbi 50 milionë dollarëve amerikanë, me pjesë të tëra të qytetit që u mbyllën për çiftin dhe të ftuarit e tyre VIP. Por një person që nuk u impresionua nga ky shkëlqim dhe luks? Charlize Theron.
E pakujdesshme për fjalët, aktorja vërtetoi edhe një herë se është shumë më e interesuar në avokim sesa në bollëkun që vijnë me jetën në La La Land kur doli në skenë në eventin e Los Angeles. Ndërsa iu drejtua turmës, ajo hodhi një kunjë mbi ata që merrnin pjesë në ceremoninë e themeluesit të Amazon.
“Besoj se jemi të vetmit që nuk morëm ftesë për dasmën e Bezos,” tha ajo me ironi, duke shtuar: “Por nuk ka problem, sepse ata janë të këqij, ndërsa ne jemi cool.”
E thënë me humorin e saj të thatë, batuta e saj u prit me duartrokitje dhe të qeshura nga të pranishmit. Por nuk ishte vetëm për argëtim. Theron, 49 vjeçe, përdori platformën e saj për të vënë theksin te puna jetike e fondacionit të saj dhe mbi situatën gjithnjë e më shqetësuese që po përshkon botën.
“Qoftë në Los Angeles, në SHBA apo në mbarë globin, po ecim mbrapsht me shpejtësi,” tha ajo. “Politikat për emigracionin kanë shkatërruar jetët e familjeve jo të kriminelëve. Të drejtat e grave po zbehen çdo ditë. Jeta dhe e drejta e komunitetit queer dhe trans po fshihen gjithnjë e më shumë. Dhuna me bazë gjinore është në rritje. Këto nuk janë thjesht politika janë personale.”
Dhe ndërsa publiku brohoriste, ajo e përforcoi mesazhin me një fjali të prerë:
“Po, vafshin në djall.”
Ndërkohë që figura si Oprah Winfrey, Leonardo DiCaprio, Kardashian-Jenner-at, Sydney Sweeney dhe Orlando Bloom fluturonin drejt Venecias për të marrë pjesë në festimet ekstravagante të Jeff Bezos që përfshinë festa me pizhamë, performanca të Matteo Bocellit dhe protesta nga banorët vendas Charlize Theron zgjodhi të jetë aty ku, sipas saj, ka më shumë rëndësi.
