Në sezonin Vjeshtë/Dimër 2025–2026, Simon Porte Jacquemus na fton në një udhëtim emocional drejt rrënjëve të tij në tokat e thjeshta, por të pasura me kujtime të Provence. Koleksioni i titulluar “LE PAYSAN” (Fshatari) është një homazh i drejtpërdrejtë për familjen e tij një falënderim i heshtur ndaj brezave që e rritën, ndaj tokës që formësoi identitetin dhe estetikën e tij.
Jacquemus është i njohur për lidhjen e thellë me vendlindjen dhe për aftësinë për të përkthyer kujtimet personale në silueta poetike. Këtë herë, ai sjell në pasarelë ngjyrat e tokës, teksturat e punës së dorës dhe format e thjeshta të veshjeve rurale, të cilat marrin një dimension të ri nën dritën e stilit të tij bashkëkohor.
Veshjet janë të ndërtuara me materiale natyrale leshi i trashë, pambuku i larë, lino i papërpunuar që evokojnë përditshmërinë e jetës në fshat, por gjithmonë me një kthesë të rafinuar. Silueta të strukturuara, por të buta. Kapele të mëdha, çizme pune të transformuara, pallto që mbartin ngrohtësinë e familjes.
“LE PAYSAN” Është një rrëfim personal, një akt dashurie për kujtimet, njerëzit dhe vendet që formësojnë atë që jemi.
