Ron Zaiti, i ftuar së fundmi në emisionin “Krejt n’debat”, ka folur hapur për prishjen e raporteve me këngëtaren Dafina Zeqiri, me të cilën ka bashkëpunuar më herët në disa projekte muzikore.
Ai sqaroi se ndërprerja e marrëdhënies ka ardhur për arsye personale, duke nënvizuar se në botën e artit dhe biznesit, jo gjithçka është ashtu siç duket, dhe shpeshherë mosmarrëveshjet personale reflektohen edhe në marrëdhëniet profesionale.
“Me Dafinën nuk kemi asnjë kontakt. Marrëdhënia jonë është thjesht e ndërprerë,” deklaroi ai, duke shtuar se nuk bëhet fjalë për një konflikt të hapur, por për një distancim të plotë, aq sa nuk shkëmbejnë më as një përshëndetje të thjeshtë.
Zaiti kujtoi bashkëpunimet e tyre të kaluara si pjesë e një raporti profesional që sot është zhdukur krejtësisht për shkak të tensioneve personale që kanë ndikuar në afrimitetin e tyre.
