Që në fëmijëri, kam pasur një dobësi të madhe për ëmbëlsirat. Obsesioni im i parë? Çokollatat e mëdha me arra makadamia, haja një kuti çdo ditë. Me kalimin e kohës, edhe pse konsumimi i tyre u zvogëlua, zakoni për t’u shpërblyer apo ngushëlluar me diçka të ëmbël mbeti. Në ditët më të vështira, ëndërroja të shtypja direkt në gojë shkumësin e ëmbël.

Por kur hyra në të 30-at, shëndeti im nuk ishte në pikën më të mirë. Më përndiqte lodhja, luhatjet emocionale, irritimi. Nuk ndihesha më vetja. Pikërisht atëherë, nisa të studioja ushqyerjen molekulare, dhe kuptova sa dëm mund t’i bëjë trupi sheqeri i bardhë. Vendosa ta largoj nga dieta, dalëngadalë, dhe ndryshimi nuk vonoi.

Çfarë i bën trupit sheqeri i rafinuar?
Sheqeri i bardhë është i zhveshur nga fibrat, mineralet dhe vitaminat, ndaj përthithet shumë shpejt nga trupi. Kjo shkakton rritje të menjëhershme të nivelit të sheqerit në gjak, e ndjekur nga një rënie po aq e menjëhershme, për shkak të insulinës që sekretohet për ta balancuar.

Kjo luhatje e shpejtë e glicemisë stërmundon trupin. Organet hyjnë në “modalitet kursimi”, si një telefon me vetëm 10% bateri. Lodhje ekstreme, përgjumje, vështirësi për t’u përqendruar janë rezultatet. Ndërkohë, hormonet si adrenalina dhe noradrenalina rriten për të stabilizuar sheqerin, duke ndikuar drejtpërdrejt në humor, agresivitet, nervozizëm, irritim.

Çfarë ndodhi me mua pasi hoqa dorë nga sheqeri:
1. Nuk më zë më gjumi pas ushqimit
Ajo përgjumja e papërballueshme pas drekës pothuajse u zhduk. Glicemia më nuk lëkundet dhe ndihesha më e freskët në punë.

2. Më pak irritim dhe humor i qëndrueshëm
Pa luhatjet e sheqerit dhe pa shpërthimet hormonale, ndihesha shumë më e qetë emocionalisht. S’më zinte më nervi për çdo gjë.

3. Gjumi më i mirë
Më parë zgjohesha disa herë gjatë natës. Tani fle thellë dhe zgjohem me energji.

4. Lëkurë më e pastër
Sheqeri i bardhë përkeqëson inflamacionet dhe sekrecionin e yndyrës. Aknet e vazhdueshme në faqe dhe ballë më u zhdukën.

5. Sindroma PMS më e lehtë
Hormonet janë më të balancuara. S’kam më nevojë për çokollatë apo “junk food” para ciklit.

Nga Misaki Kawatsu, Vogue