Pas publikimit të këngës së tyre të fundit, Xhensila Myrtezaj dhe Ledri Vula janë kthyer në një nga dyshet më të komentuara në rrjet për afërsinë që po shfaqin publikisht.
Pamje të shumta që po qarkullojnë në rrjetet sociale i tregojnë ata në skenë dhe pas saj, duke buzëqeshur, kënduar së bashku dhe ndarë çaste që kanë ndezur dyshimet: është kjo thjesht kimi artistike, apo po lind diçka më shumë mes tyre?
Spekulimet u shtuan edhe më tej sot, kur Xhensila i ka bërë një urim të ëmbël Ledrit për ditëlindjen. “Gëzuar ditëlindjen”, ka shkruar ajo në rrjetet sociale, shoqëruar me emojin e një kurore, ndërsa Ledri ia ka kthyer me një “Faleminderit”, me emojin e një mbretëreshe, duke ushqyer edhe më shumë komentet për një raport që mund të mos jetë vetëm profesional.
View this post on Instagram
Për më tepër, këngëtarja ka lënë të kuptohet se pas suksesit të këngës së tyre të parë, një tjetër bashkëpunim është në horizont.
Ledri, në një intervistë të fundit, i mohoi këto spekulime, duke theksuar se mes tyre ekziston vetëm një miqësi dhe bashkëpunim artistik. Por ndjekësit në rrjetet sociale nuk duken të bindur, komentet janë të mbushura me dyshime dhe pyetje për natyrën reale të marrëdhënies mes tyre.
Ndërkohë, bashkëpunimi muzikor është pritur shumë mirë, por duket se janë pikërisht dinamikat mes tyre, të kapura në kamera në mënyrë spontane, që po marrin vëmendjen më të madhe.
Asnjëri prej tyre nuk ka reaguar ndaj zërave të fundit. Dhe siç ndodh shpesh në botën e showbiz-it, heshtja është ndonjëherë deklarata më intriguese.
