Nëse mendoni se i keni parë të gjitha kur bëhet fjalë për luksin dhe ekstravagancën, mendohuni sërish. Në zemër të Normandisë qëndron një vend që sfidon çdo përfytyrim Champ de Bataille, një château i shekullit të 17-të që është shndërruar në shtëpinë më të shtrenjtë në botë dhe ndoshta edhe më të çuditshmen.
Pas këtij transformimi qëndron Jacques Garcia, një nga dizajnerët më të njohur të interierëve në Francë, i cili ka kaluar mbi 30 vite duke e kthyer këtë rezidencë në një perandori personale të çudirave dhe antikave.
Në këtë pallat nuk do të gjeni thjesht mobilie luksoze do të hasni biblioteka të mbushura me mumie, një pavijon ngrënieje i sjellë nga rrënojat e një pallati indian, si dhe krokodilë dhe gjarpërinj të ngjitur në tavan. Po, e lexuat mirë.
Koleksioni i Garcias ka tejkaluar 20,000 objekte, duke përfshirë karrige të Napoleonit dhe porcelanë të Marie Antoinette. Disa prej tyre ruhen nga leopardë të mbushur me qafore me perla, një detaj që vetëm sa shton hijeshinë ekscentrike të këtij vendi unik.
Por nuk janë vetëm ambientet e brendshme që të lënë pa frymë. Kopshtet e Champ de Bataille janë një univers më vete: një amfiteatër vullkanik, grotat të fshehura dhe ujëvara që duken si të shkëputura nga një përrallë. Vetëm për t’i eksploruar ato nevojiten dy orë të plota.
