Vezët janë prej kohësh simbol i ushqimit të shëndetshëm dhe një burim klasik i proteinës një vezë e vetme përmban rreth 6 gramë proteinë. Por ndonëse janë praktike dhe të pasura me vlera, vezët nuk janë burimi më i lartë i proteinës që ekziston.

Ka një sërë alternativash, si bimore ashtu edhe shtazore, që përmbajnë më shumë se 12 gramë proteina për 100 gramë (sasia që përbëhet nga dy vezë të mëdha). Ja cilat janë ushqimet që ia kalojnë vezës në këtë aspekt, dhe pse duhen marrë në konsideratë për një regjim të pasur me proteina dhe të larmishëm.

1. Kikirikët – 25 g proteinë / 100 g
Të freskët, të pjekur apo në formën e gjalpit, kikirikët janë më të pasur me proteina se shumë mishra të kuq. Shtojini në smoothie, tërshërë apo sallata për një dozë të shijshme proteinash dhe yndyrnash të mira.

2. Tofu – 20 g / 100 g
Mos e nënvlerësoni sojën! Tofu përveç proteinës është i pasur me kalcium, hekur, magnez, kalium dhe vitaminat B. I lehtë për t’u gatuar dhe shumë i adaptueshëm në receta të ndryshme.


3. Kos grek pa yndyrë – 10 g / 100 g
Një porcion standard prej 170 g përmban 16–20 g proteina. Falë fermentimit natyror, është më i lehtë për tretje dhe i pasur me probiotikë – ideal për sistemin tretës.


 4. Quinoa – 14 g / 100 g
Një proteinë bimore komplete (me të gjitha 9 aminoacidet esenciale). E pasur, e lehtë për t’u gatuar dhe perfekte për vegjetarianë e vegjetalianë.


5. Djathi cottage – 13 g / 100 g
Ky “klasik i rikthyer” nuk është më demodé. Përveç proteinës, është bombë kalciumi, dhe versionet e fermentuara përmbajnë edhe probiotikë.


6. Fasule lupin – 42 g / 100 g
Një thesar i panjohur për shumëkënd. Kjo bishtajore mesdhetare përmban gati 4 herë më shumë proteinë se vezët. E pasur me fibra dhe perfekte si snack si edamame – por me më shumë fuqi ushqyese.


7. Djathi parmixhan – 38 g / 100 g
Lider absolut në kategorinë e djathrave. I pasur me lizinë (një aminoacid kyç për muskujt) dhe kalcium për kocka të forta. Kujdes vetëm për sasinë e kripës dhe yndyrës.


8. Ton i konservuar – 27 g / 100 g
Përveç proteinës së lartë, është i pasur me omega-3, duke e bërë një opsion të shkëlqyer për shëndetin e zemrës dhe trurit.


9. Gjoksi i pulës apo gjelit – 24–31 g / 100 g
Mishi më i dobët dhe më i pasur me proteina. Me një profil të plotë aminoacidesh dhe lehtësisht i tretshëm, është zgjedhja ideale për ndërtimin e masës muskulore.