Shëndeti i zorrëve është një nga gurët themeltarë të mirëqenies së përgjithshme. Ai ndikon në gjithçka, nga tretja, imuniteti dhe hormonet, te gjumi, lëkura dhe madje edhe gjendja shpirtërore. Dhe përtej ushqimeve të fermentuara si kos grek apo kimchi, ekziston një mori produktesh që ushqejnë mikrobiomën e zorrëve dhe ndihmojnë në ruajtjen e ekuilibrit të mirë të baktereve “të mira”.

Ja cilat janë 16 ushqimet që nutricionistët dhe mjekët i rekomandojnë më së shumti për shëndetin e zorrëve:

1. Mjedra
Mjedrat janë ndër frutat me përmbajtjen më të lartë të fibrave – rreth 8 g për një kupë. Një porcion i vetëm mbulon më shumë se 25% të nevojës ditore për fibra.

2. Farat e linit
Quhen shpesh “ushqim për kolonën”. Ato rrisin bakteret e mira dhe përmbajnë omega-3 bimore, si dhe fitoestrogjene që ndihmojnë në balancimin hormonal. Përdoreni në kos, smoothie apo bollgur.

3. Ushqime të fermentuara
Kimchi, lakra turshi dhe perime të tjera të fermentuara janë burime të shkëlqyera të probiotikëve që ndihmojnë mikrobiomën e zorrëve dhe reduktojnë fryrjen.

4. Bishtajoret
Fasule, qiqra, sojë, bizele të thata: të gjitha janë të pasura me fibra të tretshme dhe të patretshme, që ushqejnë bakteret e dobishme në zorrë dhe përmirësojnë tretjen.

5. Kefiri
Kefiri është një pije qumështi e fermentuar, e pasur me probiotikë dhe me përfitime të shumta për ekuilibrin e baktereve në zorrë.

6. Perime me gjethe të gjelbërta të gatuara
Lakra jeshile, spinaqi, kale dhe chard janë të pasura me magnez dhe fibra që mbështesin lëvizjen e rregullt të zorrëve dhe detoksifikimin hormonal.

7. Kërpudhat shiitake
Përmbajnë beta-glukan, një fibër e veçantë që forcon murin e zorrëve dhe ndihmon sistemin imunitar.

8. Farat e kungullit
Një grusht përmban rreth 5 g fibra dhe shumë magnez – i rëndësishëm për lëvizshmërinë e zorrëve dhe luftimin e kapsllëkut.

9. Erëzat tretëse
Xhenxhefili, nenexhiku, qimnoni, kanella dhe koriandri ndihmojnë tretjen, reduktojnë fryrjen dhe nxisin lëvizjen e shëndetshme të zorrëve.

10. Frutat e ziera
Mollët e ziera dhe boronicat e ngrohta janë të pasura me pektinë, një fibër që ndihmon në reduktimin e inflamacionit dhe ruajtjen e shëndetit të murit të zorrëve.

11. Yndyrnat e shëndetshme
Vaj ulliri ekstra i virgjër, avokado, arrat dhe peshqit me omega-3 ndihmojnë në zbutjen e inflamacionit dhe përforcojnë murin e zorrëve.

12. Çokollata e zezë
Sa më e errët çokollata, aq më shumë fibra dhe polifenole përmban. Një porcion 85% dark chocolate mund të përmirësojë ndjeshëm shëndetin e zorrëve.

13. Lëngu i kockave (Bone broth)
I pasur me kolagjen, glicinë dhe glutaminë, që ndihmojnë në riparimin e murit të zorrëve dhe qetësimin e inflamacionit.

14. Ushqimet prebiotike
Hudhra, qepa, bananet, tërshëra dhe gjethet e luleborës përmbajnë fibra jo të tretshme që ushqejnë probiotikët ekzistues në zorrë.

15. Ushqimet e pasura me polifenole
Shega, boronicat, shafrani i Indisë, çaji jeshil dhe borziloku i shenjtë ndihmojnë në reduktimin e inflamacionit dhe rigjenerimin e florës bakteriale.

16. Ushqimet e hidhura
Rukola, gjethet e luleborës dhe çikoria stimulojnë tretjen, ndihmojnë në pastrimin e mëlçisë dhe përthithjen më të mirë të lëndëve ushqyese.