Gjatë qëndrimit të saj në Kanada për pjesën kanadeze të turit të saj muzikor, Katy Perry ka marrë një pauzë nga koncertet për një takim darke që ka ngritur shumë pikëpyetje. Këtë të hënë, këngëtarja është parë në Montreal duke darkuar me as më pak e as më shumë se ish-kryeministrin kanadez Justin Trudeau.
View this post on Instagram
Më herët gjatë ditës, dyshja është parë duke shëtitur në Parkun Mount Royal, ku kanë kaluar rreth një orë duke admiruar pamjet e qytetit. Më pas janë drejtuar për darkë në restorantin e njohur Le Violon.
Sipas fotove të siguruara nga TMZ, Perry dhe Trudeau kanë qëndruar të përfshirë në bisedë gjatë gjithë darkës, e cila përfshinte disa pjata të shijshme dhe kokteje. Në një moment, kuzhinieri i restorantit ka dalë t’i përshëndesë personalisht, por më vonë edhe ata kanë vizituar kuzhinën për të falënderuar stafin.
View this post on Instagram
Pas darkës, ata janë parë duke u drejtuar për pije në Taverne Atlantic, një lokal i njohur i qytetit. Deri tani, asnjëri prej tyre nuk ka komentuar publikisht për natyrën e këtij takimi apo për raportin që mund t’i lidhë.
Ky takim i papritur vjen pak ditë pasi u bë publike ndarja e Katy Perry nga i fejuari i saj prej vitesh, Orlando Bloom. Çifti, i cili ishte bashkë për gati 10 vite dhe kanë një vajzë 4-vjeçare, kanë konfirmuar se janë ndarë prej kohësh dhe tani janë të fokusuar te bashkëprindërimi në mënyrë miqësore.
Ndërkohë, edhe Justin Trudeau është i ndarë nga bashkëshortja e tij, Sophie Grégoire Trudeau, me të cilën ka tre fëmijë. Ata njoftuan ndarjen në vitin 2023, pas 18 vitesh martesë.
Takimi i dy figurave publike të njohura në një kontekst kaq personal, ka ndezur thashetheme në rrjete sociale dhe media ndërkombëtare. A është ky fillimi i një miqësie të re? Apo thjesht një darkë midis dy personazheve të lirë, në një qytet të bukur?
Për momentin, mbetet mister, por një gjë është e sigurt: syri i publikut është tani më shumë se kurrë mbi Katy Perry dhe Justin Trudeau.
