Ish-kryeministri i Kanadasë, Justin Trudeau, u shfaq në tribunën VIP në koncertin e Katy Perry-t, pjesë e turneut të saj “Lifetimes” në Kanada, vetëm disa ditë pasi dyshja u përfol për një lidhje romantike.

Trudeau, 53 vjeç, shkëlqente teksa ndiqte nga afër performancën e këngëtares së hitit “Firework” në Bell Centre të Montreal-it të mërkurën e kaluar.

Në një foto që u bë virale në rrjetet sociale, fansat e vëmendshëm e vunë re Trudeau-n mes 21,000 njerëzve që ishin në këmbë gjatë koncertit të Perry-t.

Foto të tjera tregojnë ish-politikanin duke kërcyer me vajzën e tij 16-vjeçare, Ella-Grace, e cila ishte me të në koncert.

Në një foto tjetër të shpërndarë në X (Twitter), Trudeau dukej totalisht i magjepsur nga koncerti dhe lëvizte buzët në ritmin e këngës së saj të vitit 2013, “Dark Horse”.

Kjo shfaqje e Trudeau-t në koncert vjen pak ditë pasi u panë duke darkuar së bashku në një restorant në Montreal.

Edhe pse Trudeau nuk është më kryeministër pasi dha dorëheqjen më herët këtë vit, dikush pyeti me shaka:
“A do të bëhet ajo presidentja e Kanadasë tani?”

Që prej fillimit të javës, Katy Perry, dukej e përmalluar teksa darkonte me Trudeau-n në restorantin luksoz Le Violon.

@avocado6713 Justin Trudeau watching Katy Perry ?? #katyperry #lifetimesstour #justintrudeau #katy #fyp ? original sound - lilPeony ?

Disa orë më vonë, ata u panë duke shijuar kohë së bashku në Parkun Mount Royal në Montreal, duke ecur dhe buzëqeshur, pa shfaqur ndonjë shenjë publike dashurie.

Trudeau dhe gruaja e tij e mëparshme, Sophie Grégoire Trudeau, përfunduan martesën pas 18 vitesh në vitin 2023.

Ata kanë tre fëmijë: Xavier, 17 vjeç, Ella-Grace, 16 vjeç, dhe Hadrien, 11 vjeç.