Nga MoMA Learning
(Muzeu i Artit Modern të Nju Jorkut)
Që prej shpikjes së saj në vitin 1839, fotografia ka shërbyer si një medium për të dokumentuar, kuptuar dhe interpretuar botën. Ajo ka kontribuar në mënyrë radikale në evolucionin e përfaqësimit pamor, duke mundësuar dokumentimin e një çasti në kohë dhe, për shkak të aftësisë për t’u riprodhuar, duke lehtësuar qarkullimin dhe shpërndarjen masive të imazheve — fenomen që u përshpejtua me ardhjen e internetit dhe të platformave të mediave sociale.
Fotografitë janë forma përfaqësimi, të formësuara nga një seri vendimesh të ndërgjegjshme nga ana e fotografëve. Për më tepër, mënyra se si ne e interpretojmë një fotografi ndikohet jo vetëm nga qëllimi i autorit, por edhe nga mënyra si ajo prodhohet, editohet dhe qarkullohet.
Gjatë historisë — dhe deri në ditët e sotme — fotografia është përdorur si mjet për shkencën dhe eksplorimin; për dokumentimin e njerëzve, vendeve dhe ngjarjeve; për tregimin dhe regjistrimin e historive; si dhe si një formë komunikimi dhe kritike në një kulturë gjithnjë e më shumë të dominuar nga vizualja.
Ky medium vazhdon të rishpiket dhe të rimendohet, i formësuar nga avancimet teknologjike dhe nga dialogët e pandërprerë që e rrethojnë përdorimin e tij.
Burimi artikullit: https://www.moma.org/learn/moma_learning/themes/photography/
Photo Credit: Adam Pretty / Staff
Source: Getty Images AsiaPac
