Nicola Peltz mbajti familjen e saj afër gjatë rinovimit të betimeve me burrin e saj, Brooklyn Beckham, javën e kaluar. Aq afër, saqë ajo veshi të njëjtin fustan që kishte veshur nëna e saj, Claudia Heffner Peltz, në dasmën e saj më 1985 me babanë e Nicola-s, Nelson Peltz.
Aktorja 30-vjeçare, e njohur për rolin “Lola”, ripostoi në Instagram Stories një krahasim të dy fustaneve me mbishkrimin: “Nic duke veshur fustanin e dasmës së nënës për rinovimin e betimeve jam totalisht e fiksuar!”.
Nicola kishte bërë një ndryshim modern në dizajn, duke zëvendësuar bodicin e lirshëm me një korsazh të strukturuar. Por mëngët me zbukurime florale dhe fundi romantik i gjatë mbetën të njëjta nga fustani origjinal i 40 viteve më parë.
Edhe detajet nostalgjike nuk munguan: kurora e hollë me lule të bardha rreth gjysmës së mbledhur të flokëve të saj përputhej me stilin që mbante nëna e saj në ditën e dasmës.
Prindërit e Nicola-s luajtën një rol të madh në këtë ditë të veçantë, me babanë Nelson që kryesoi ceremoninë. Vëllezërit dhe motrat, Brittany, Will dhe Bradley Peltz, pozuan gjithashtu me Nicola në fotot e ndara në Instagram.
Ndërkohë, prindërit e Brooklyn Beckham, David dhe Victoria, munguan dukshëm, pasi së fundmi u fotografuan duke shijuar pushimet në Itali me djalin Cruz dhe të dashurën e tij.
