Alfio Rrotani do bëhet baba për herë të dytë

Alfio Rrotani ka ndarë me ndjekësit e tij një lajm të mrekullueshëm: ai do të bëhet baba për herë të dytë. Lajmin e ka bërë të ditur vetë ai përmes disa fotografive të publikuara në Instagram, ku shfaqet pranë partneres së tij, Joana Gjonaj.

“Po presim pjesën më të bukur të vetes sonë, princeshën tonë të vogël!” – shkruan Alfio krahas postimit të tij, duke ndarë me ndjekësit emocionin e pritur prej kohësh.

Kjo është hera e parë që Alfio do të bëhet baba i një

vajze, pasi ai tashmë është baba i djalit të vogël Noah, nga lidhja e mëparshme me moderatoren Fatma Methasani.

Alfio e bëri publike lidhjen e tij me Joana Gjonaj në qershor të këtij viti. Partnerja e tij është inxhiniere dhe sipërmarrëse, dhe duket se çiftit i ka nisur një kapitull i ri i mbushur me gëzim dhe pritje.