Danny Ramirez, aktori i njohur nga 'Top Gun: Maverick' dhe 'The Falcon and the Winter Soldier', ka marrë përsipër një nga rolet më famshme në historinë e kinemasë: 'Scarface'. Projekti po zhvillohet nga kompania e tij e prodhimit Pinstripes, në bashkëpunim me mikun dhe bashkëpunëtorin e tij të hershëm, Tom Culliver.

Por ata që presin një përsëritje të filmit klasik të Brian De Palma me Al Pacino në vitin 1983, Ramirez dhe Culliver theksojnë se versioni i ri do të kthehet te romani origjinal i vitit 1930 i Armitage Trail, duke e modernizuar për kohët e sotme.

“Ne duam ta modernizojmë, duke u bazuar te romani origjinal. Sigurisht, ekziston trashëgimia e Pacinos në vitet ’80 dhe filmi i parë i vitit 1932, por mendojmë se tani është momenti i duhur për ta sjellë në një dimension të ri. Të kemi dikë si Danny në rolin kryesor është vërtet emocionuese,” – tha Culliver për Deadline.

Për Ramirez, ky projekt është personal. Pas shumë rolesh dytësore, ai kërkon një rol kryesor të fuqishëm që të reflektojë trashëgiminë e tij kolumbiane dhe meksikane dhe beson se Scarface mund ta ofrojë këtë.

“Për ne, ‘Scarface’ ka qenë gjithmonë një rol ëndrrash. Por duam ta zhvillojmë në një mënyrë që e kuptoj dhe e ndiej. Në vitin 2025 është më i rëndësishëm se kurrë. Kjo është arsyeja pse jemi kaq të entuziazmuar ta marrim përsipër,” – tha aktori.

Ndërsa Universal Pictures vazhdon të kontrollojë versionin e De Palma, romani origjinal është në public domain, gjë që i jep Ramirez dhe Culliver lirinë për të krijuar një histori jashtë sistemit klasik të Hollywood-it. Ata tashmë kanë siguruar financimin për zhvillimin dhe planifikojnë ta mbajnë projektin të lidhur ngushtë me realitetin e kohës sonë.

“Nuk do ta bëjmë thjesht për nostalgji. Kemi diçka për të thënë me këtë material,” – shpjegoi Culliver. – “Në 20 vitet e fundit ka pasur shumë ripërpunime që janë bërë vetëm sepse lidhen me një emër të njohur. Por ne duam të tregojmë një histori të re brenda këtij universi.”

Për Ramirez, modernizimi i “Scarface” nuk ka të bëjë me përfitimin nga një markë e njohur, por me dhënien e hapësirës për histori që shpesh Hollywood-i i ka lënë mënjanë.

“Ka kaq shumë histori  nga përvoja meksikano-amerikane deri tek ajo latino-amerikane me njerëz në qendër, jo vetëm si aktorë dytësorë në historinë e dikujt tjetër, por si protagonistë. Një nga sfidat është të tregojmë filma prestigjiozë me histori që më parë janë injoruar sepse nuk shihej vlera e tyre,” – shtoi ai.

Projekti ndodhet ende në fazat e hershme të zhvillimit. Detaje të tjera pritet të zbulohen së shpejti.