Sezoni i ri i “Përputhen” po përgatitet të sjellë një frymë të re dhe ndryshime të dukshme, jo vetëm në përmbajtje, por edhe në strukturën krijuese të emisionit të njohur.
Një nga risitë më të mëdha është roli i Megi Pojanit, e cila nuk do të jetë më vetëm prezantuese, por edhe autore e formatit. Me këtë angazhim të ri, Megi merr drejtimin krijues dhe përgjegjësinë për linjën editoriale të programit. Ky është një hap i rëndësishëm në karrierën e saj.
Një tjetër emër i rëndësishëm që merr një rol kyç është Neda Balluku. Pas eksperiencës si opinioniste, ajo tashmë është emëruar kryeredaktore e “Përputhen”. Me qasjen e saj analitike dhe shpesh kritike, Neda pritet të sjellë një vizion të ri në prapaskenë dhe të përmirësojë menaxhimin editorial të programit.
Sezoni i ri do të shoqërohet edhe nga prezantimi i dy opinionistëve të rinj: Laert Vasili dhe Arba Gramo, të cilët do të sjellin këndvështrime të reja dhe energji të freskët në studio.
