Ben Affleck ka hequr mjekrën e tij karakteristike duke u shfaqur me një pamje krejtësisht të pastër, pa qime në fytyrë. Aktori 53-vjeçar u fotografua teksa drejtonte makinën në Los Angeles, i veshur me një xhaketë bezhë dhe këmishë të bardhë.
Regjisori i “Argo”-s, i njohur për look-un e tij me mjekër, prej më shumë se një viti nuk e hiqte, por këtë herë ka zgjedhur një imazh krejt tjetër.
Burime pranë çiftit kanë treguar më herët se Lopez nuk ka qenë aspak e kënaqur me transformimin e ish-bashkëshortit, sidomos pasi ai nisi të kujdesej më shumë për veten. “Ben tani lyen flokët, bën manikyr e pedikyr, depilime nga koka te këmbët, madje edhe trajtime tek dermatologu për të kthyer pas orën e kohës,” – u shpreh një burim për InTouch Weekly.
Ndryshimet nuk ndalen këtu: aktori ka ndryshuar edhe dietën, ka hequr dorë nga ushqimet e pashëndetshme dhe është fokusuar tek një stil jetese më i pastër. Ironia është se këto janë gjëra që, sipas burimeve, Lopez gjithmonë kishte dashur që ai të bënte, por ai refuzonte kur ishin bashkë.
Ben dhe Jennifer, të cilët ishin fejuar fillimisht në vitin 2002, u ribashkuan në 2021, u martuan në 2022, por u ndanë dy vite më vonë. Divorci u finalizua në janar të këtij viti.
