Julia Roberts ka bërë një rikthim të klasit të lartë të mërkurën e kaluar, duke u shfaqur në “The Late Show With Stephen Colbert” me një kostum të errët gri që u rikujtoi fansave atë që ajo kishte veshur në Golden Globes të vitit 1990.
Aktorja 57-vjeçare dukej po aq e rafinuar sa dikur, me një blazer dhe pantallona me këmbë të gjera, të shoqëruara me një kravatë që e ka bërë së fundmi të njohur si aksesor personal.
E stiluar nga Elizabeth Stewart, Julia kombinoi kostumin me syze me kornizë të zezë dhe vathë të mëdhenj ari, ndërsa flokët voluminozë të viteve ’90 i zëvendësoi me një stil të rregullt dhe me fryrje anësore.
Ky look ishte një homazh i qartë për fillimet e saj, kur 22-vjeç u paraqit si kandidate për Best Supporting Actress për rolin në “Steel Magnolias” dhe përfundoi duke marrë çmimin. Ajo kishte veshur atëherë një kostum të ngjashëm të Giorgio Armani, të cilin më vonë e quajti “një nga veshjet e mia të preferuara të të gjitha kohërave” në një video të Vogue Life in Looks 2024.
Julia ende posedon kostumin origjinal nga 1990, dhe siç ka rrëfyer ajo, nuk e kishte menduar se do të bëhej një moment kaq definues në tapetin e kuq.
