Udhëtim ëndërrash i Aulona Mustës dhe familjes së saj në Kenia

Aulona Musta dhe familja e saj kanë përjetuar një nga udhëtimet më magjike që mund të imagjinohet, duke duhëtuar në Kenia. Në Instagramin e Aulonës kemi parë të pasqyruar çdo gjë: nga momentet e para, emocionet kanë qenë të forta: të gjesh veten mes savanës, rrethuar nga kafshë të egra, përjetime që të mbushin sytë me lot dhe zemrën me ngrohtësi. 

Safari 9-orësh ishte një aventurë tjetër e paharrueshme që familje e tyre përjetoi: nga elefantët dhe gjirafat që shfaqeshin në horizont, tek mëngjesi dhe drekat e shijshme në mes të natyrës së egër. Edhe pse udhëtimi ishte planifikuar disa vite më parë për 10-vjetorin e Amarës, realiteti e bëri të mundur këtë vit.

Një tjetër moment i jashtëzakonshëm ishte fluturimi me balonë mbi savanë, duke përjetuar lindjen e diellit nga lartësia dhe duke shijuar një pamje të jashtëzakonshme të botës së egër. Aulona ndau emocionet e saj: “Të shikoje nga sipër gjithë botën e egër, bashkë me lindjen e diellit, ishte një emocion që të mbush zemrën plot, por edhe sytë me lot.”

Një tjetër eksperiencë e paharrueshme për familjen ishte vizita tek fisi Maasai, një nga komunitetet më të njohura afrikane që jeton ende sipas traditës, pa elektricitet dhe me kushtet më bazike. Të njohësh kulturën e tyre, mikpritjen dhe mënyrën e jetesës ishte një eksperiencë që i bëri të reflektonin dhe i mbushi sytë me emocion.

Ky udhëtim në Kenia nuk ishte vetëm një aventurë turistike, por një përvojë që do të mbetet e gjallë përjetësisht në kujtimet e Aulonës dhe familjes së saj. Një udhëtim që fton të gjithë të hapin zemrën ndaj eksperiencave të reja, të sfidojnë frikërat dhe të shijojnë bukurinë magjike të botës.