Ja si do të ndikojë Superhëna e nëntorit te çdo shenjë horoskopi

Më 5 nëntor 2025, Superhëna më e madhja dhe më e ndritshme e vitit iu afrua më shumë Tokës në orbitën e saj. Fuqia e saj shumëfishohet bashkë me të edhe ndjenjat dhe shqisat tona. Kjo është veçanërisht e vërtetë për katër shenja: Demin, Luanin, Akrepin dhe Ujorin. Por edhe shenjat e tjera nuk do të mbeten “pa prekur”. Më poshtë, astrologia Léa Baixo shpjegon në detaje ndikimin e kësaj Superhëne për secilën shenjë.

Dashi
“Më 5 nëntor, Superhëna në Dem ndriçon marrëdhënien tënde me sigurinë, paratë dhe vetëvlerësimin. Dy javët e fundit mund të kesh ndier një lloj parehatie: frikë se po humbet diçka, dyshime për legjitimitetin tënd, ose ndjesinë se ‘nuk je mjaftueshëm’. Kjo Hënë të kujton një të vërtetë thelbësore: vlera jote nuk varet nga sa produktive je, as nga mënyra si të shohin të tjerët. Energjia e saj të mëson fuqinë e të diturit kush je, pa ndjerë nevojën t’ua provosh të tjerëve.

Kjo Hënë të fton të rilidhesh me kënaqësinë e të marrësh, të shijosh komoditetin pa ndjenja faji. Nuk ka të bëjë me materializëm por me vetëdashuri. Këtu mëson të ndërtosh sigurinë e brendshme përpara asaj të jashtme. Paqen nuk do ta gjesh duke grumbulluar më shumë, por duke kuptuar që tashmë je e plotë. ‘Pasuria e vërtetë është qetësia që vjen kur e di se tashmë je mjaftueshëm.’ Kjo fjali e përmbledh gjithçka: jeta nuk pret të jesh perfekte, por të jesh e sigurt tek vetja.”

Demi
“Më 5 nëntor, Superhëna në Dem hedh dritë mbi identitetin tënd. Dy javët e fundit mund të kesh ndier që imazhi yt, qëndrimi yt, madje edhe ritmi yt nuk të përfaqësojnë më. Kjo Hënë është si një pasqyrë pa filtra: të fton të ndalosh së luajturi një rol dhe të kthehesh tek vetja jote autentike. Nëse ndihesh e lodhur, nervoze, ose ‘jashtë vetes’, mund të jetë sepse po mban shumë pritshmëri të të tjerëve mbi supe.

Energjia e kësaj Hëne të mëson të ngadalësosh dhe të lësh rrënjë. Nuk ke më pse të jesh perfekte. Forca jote e vërtetë qëndron te qëndrueshmëria, butësia dhe qetësia jote e brendshme. Kjo Hënë e Plotë të fton të rimarrësh trupin tënd, zërin tënd, imazhin tënd. Është një rilindje e brendshme e dikujt që nuk fshihet më pas asaj që bën, por kujtohet thjesht kush është. Nuk ke asgjë për të provuar dhe autenticiteti yt bëhet magneti yt më i fuqishëm.”

Binjakët
“Më 5 nëntor, Superhëna në Dem mbyll një cikël të thellë. Dy javët e fundit ke ndier se diçka po përfundon: një marrëdhënie, një zakon, një mënyrë të menduari. Nuk është humbje është heqje e lëkurës së vjetër. Energjia e kësaj Hëne të fton të përqafosh ngadalësinë, të ndalosh së luftuari kundër asaj që po zbehet. Ky cikël shënon një shërim të heshtur, që nuk shihet, por ndihet.

Po mëson t’i besosh jetës pa e kuptuar gjithçka. Kjo Hënë të përgatit për rilindje. Boshllëku nuk është dënim: është hapësira që universi pastron përpara fillimit tënd të ri. Nuk është fundi i një historie, është frymëmarrja mes dy kapitujve. Merr frymë. Gjithçka tashmë po shkon në vendin e vet.”

Gaforrja
“Më 5 nëntor, Superhëna në Dem ndriçon rrethin tënd shoqëror miqësitë dhe bashkëpunimet profesionale. Dy javët e fundit ke arritur të shohësh më qartë se kush të ngre lart dhe kush të rrëzon. Nuk është rastësi: energjia jote po pastrohet.

Energjia e kësaj Hëne të mëson të jesh besnike fillimisht ndaj vetes, pastaj ndaj të tjerëve. Të fton të ndërtosh marrëdhënie të qëndrueshme e të sinqerta, të bazuara në vlera të përbashkëta. Nuk ke më pse të qëndrosh aty nga zakoni, apo nga frika se mos mbetesh vetëm. Ky ndjenjim është bekim, jo humbje.

Do të mësosh të zgjedhësh cilësinë para sasisë, të vërtetën para komfortit. ‘Energjia jote është monedhë: mos e shpenzo aty ku s’je e dashur.’ Kjo fjali e përmbledh mesazhin e kësaj Hëne.”

Luani
“Më 5 nëntor, Superhëna në Dem vë në qendër të vëmendjes karrierën tënde dhe imazhin publik. Dy javët e fundit mund të kesh vënë në pikëpyetje marrëdhënien tënde me suksesin. Tani dëshiron më shumë autenticitet, më pak nxitim. Energjia e kësaj Hëne të mëson se suksesi i vërtetë është ai që ushqen paqen tënde.

Kjo Hënë të fton të riformulosh ambicien tënde: pse bën atë që bën? Çfarë do të lësh realisht pas? Ky cikël të nxit të ndërtosh ngadalë, por me siguri, duke i përputhur veprimet me vlerat e tua. Nuk është më koha për të provuar, por për të mishëruar. ‘Suksesi humb gjithë shkëlqimin nëse të vjedh qetësinë.’ Kjo fjali të kujton se paqja jote është luksi më i madh.”

Virgjeresha
“Më 5 nëntor, Superhëna në Dem të zgjeron horizontin. Dy javët e fundit ke ndier nevojën të hapesh: të kuptosh më shumë, të udhëtosh, të dalësh nga rutina. Ndoshta disa nga besimet e tua themelore po ndryshojnë… ky është një tregues i qartë që po rritesh.

Energjia e kësaj Hëne të fton të gjesh urtësinë te thjeshtësia. E vërteta nuk fshihet në teori të mëdha, por në praninë tënde në moment. Nuk ke pse t’i dish të gjitha, por t’i përjetosh. Kjo Hënë të nxit t’i besosh jetës, të mirëpresësh të renë pa e kontrolluar çdo detaj. Të mëson se kuptimi nuk ‘gjendet’: ai jetohet. ‘Nuk është bota që s’ka më magji, janë sytë e tu që harrojnë ta shohin.’ Kjo fjali përmbledh mësimin e këtij cikli.”

Peshorja
“Më 5 nëntor, Superhëna në Dem zbret në ‘shtëpinë’ tënde të transformimeve. Dy javët e fundit ke përjetuar valë të forta emocionale: frikë humbjeje, xhelozi, nevojë për kontroll. Kjo Hënë i nxjerr të gjitha në sipërfaqe… jo për të të thyer, por për të të çliruar.

Energjia e kësaj Hëne të ofron një spirancë të fortë në mes të stuhisë. Të mëson se fuqia nuk vjen nga kontrolli, por nga besimi. Nuk shërohesh duke fshehur atë që të dhemb, por duke e parë me dashuri.

Kjo Hënë sillet si alkimiste: e shndërron frikën në kthjelltësi, dhimbjen në forcë. Ajo që pranon, pushon së të sunduari. ‘Ajo që fsheh të mban peng, ajo që mishëron të çliron.’ Po rilind tek vetja.”

Akrepi
“Më 5 nëntor, Superhëna në Dem hedh dritë mbi marrëdhëniet e tua: romantike, miqësore, profesionale. Dy javët e fundit, disa tensione kanë nxjerrë në pah pabarazitë: jep shumë, nuk pret asgjë në këmbim, ose përshtatesh deri në fshirjen e vetes. Çdo gjë të përball me mënyrën si do dhe si lejon të të duan.

Energjia e kësaj Hëne të fton të ndërtosh lidhje të forta, por jo mbytëse. Të kujton se dashuria e vërtetë nuk të kërkon të sakrifikosh veten, por ta respektosh atë. Mund të duash pa u humbur. Mund të jesh i/e butë pa qenë i/e nënshtruar. Mund të vendosësh kufij pa qenë i/e ashpër. Kjo Hënë të mëson artin e ekuilibrit: të duash me butësi dhe vetëdije.

Marrëdhëniet që të ushqejnë nuk janë ato ku gjithçka është e lehtë, por ato ku mbetesh vetvetja. ‘Dashuria nuk të kërkon të zhdukesh, të fton të merrni frymë bashkë.’ Ky është mantrai i kësaj Hëne.”

Shigjetari
“Më 5 nëntor, Superhëna në Dem ndriçon jetën tënde të përditshme, shëndetin, ritmin dhe zakonet. Dy javët e fundit, trupi mund të të ketë folur përmes lodhjes, stresit, tensioneve apo ndjenjës së mbingarkesës. Këto nuk janë shenja dështimi, por mesazhe përputhjeje.

Energjia e kësaj Hëne të fton të dëgjosh urtësinë e trupit para se të kthehet në detyrim. Të kujton se perfeksioni nuk është i njëjtë me ekuilibrin. Nuk ke pse të plotësosh çdo listë dhe të optimizosh gjithçka për të merituar pushimin. Mirëqenia nuk është shpërblim është gjendja jote natyrore.

Kjo Hënë të rikthen te ngadalësia, te rregullsia, te paqja e gjesteve të vetëdijshme. Të mëson vlerën e gjërave të thjeshta: të hash mirë, të marrësh frymë mirë, të flesh mirë. Këto janë themelet e lumturisë së qëndrueshme. ‘Trupi nuk harron asgjë: ai shpreh atë që shpirti hesht.’ Kjo Hënë të fton të dëgjosh veten me mirësi, jo me kërkesa.”

Bricjapi
“Më 5 nëntor, Superhëna në Dem të rindez zjarrin e brendshëm. Dy javët e fundit mund të kesh ndier rënie energjie, mungesë kënaqësie apo frymëzimi. Kjo Hënë të kujton se nuk ke pse ta ‘meritosh’ gëzimin mjafton të rilidhesh me të.

Energjia e kësaj Hëne të fton të kthehesh te sensualiteti i përditshmërisë: të shijosh, të ndiesh, të krijosh. Flaka jote rikthehet kur bën gjëra nga dashuria, jo nga detyrimi. Kjo Hënë të nxit të shprehësh dritën tënde pa frikë gjykimi. Nuk je këtu thjesht për të mbijetuar, por për të shijuar. ‘Gëzimi nuk është luks: është nevojë shpirtërore.’ Të kujton se zjarri yt ushqen botën.”

Ujori
“Më 5 nëntor, Superhëna në Dem të fton të rifokusohesh te rrënjët e tua të brendshme. Dy javët e fundit ke ndier nevojë për qetësi, për ‘fole’, ndoshta për vetmi ose distancë emocionale nga të tjerët. Kjo është një ftesë për t’u kthyer në shtëpi jo vetëm fizikisht, por brenda vetes për të krijuar paqe në hapësirën dhe zemrën tënde.

Energjia e kësaj Hëne të kujton se stabiliteti nis nga brenda. Nëse ende po kërkon siguri përmes të tjerëve, kjo Hënë të tregon se ajo lind nga toka ku ti vetë qëndron. Nuk ke pse të kuptosh gjithçka  mjafton të marrësh frymë me ritmin tënd.

Ky moment të fton të pastrosh ambientin tënd, energjinë dhe mendimet. Ndërto paqen përmes thjeshtësisë. ‘Nuk është vendi që të qetëson, por njeriu që bëhesh duke jetuar aty.’ Kjo Hënë do të të ndihmojë ta kthesh shtëpinë në një strehë butësie dhe të vërtete.”

Peshqit
“Më 5 nëntor, Superhëna në Dem zgjon fjalën tënde. Dy javët e fundit mund të kesh mbajtur shumë gjëra brenda, nga frika se mos prish qetësinë apo shqetëson të tjerët. Por kjo Hënë të kujton se paqja që lind nga heshtja e detyruar nuk është paqe e vërtetë.

Energjia e saj të nxit të shprehesh ngadalë, me butësi, por pa kompromise. Po mëson të flasësh nga qendra jote. Idetë e tua meritojnë të ekzistojnë, zëri yt meriton të dëgjohet. Nëse disa biseda bëhen të tensionuara, kjo nuk është ndëshkim është sqarim.

Nuk ke më pse të ëmbëlsohesh të vërtetën për të ruajtur harmoninë e rreme. Kjo Hënë qetëson komunikimin tënd duke e bërë më të sinqertë. Fjalët nuk janë aty për të kënaqur, por për të çliruar. ‘Fjalët që mban brenda ndërtojnë muret nga të cilat ke frikë.’ Kjo fjali të kujton se zëri yt është mjet shërimi.”

Përkthyer nga Vogue